Анал байыаннай эпэрээссийэҕэ кытта сылдьааччыларбытыгар, кинилэр дьиэ кэргэннэригэр, оҕолоругар кимиттэн тутулуга суох туох кыаллар көмөнү оҥорууга улуустарынан, нэһилиэктэринэн, киин куоратынан түмсүүлээх үлэ бара турар. Араас түмсүүлэртэн, урбаанньыттартан, биирдиилээн дьонтон, салайааччылартан, дьокутааттартан хомуллар көмө барыта кыайыыга ананар, инники кирбиигэ киирсэ сылдьар дьоммут этэҥҥэ эргиллэн кэлэллэригэр туһуланар.
Бу үлэҕэ кытта сылдьар Ил Түмэн дьокутаата Виктор Федоров бу курдук кэпсээтэ.
— Биһиги, Ил Түмэн дьокутааттара, Донбасска көмөбүтүн хомуйан алтынньы 25 күнүгэр волонтердар өрөспүүбүлүкэтээҕи кииннэригэр туттарбыппыт. Бу саас муус устар 12 күнүгэр харчынан көмөбүтүн Донбасска эрдэ тиксэрбиппит.
Донбасска барар спецназ байыастарыгар көмөҕө уонна хомунан-тэриллэн барыыларыгар наадалааҕы, араас тепловизионнай, цифровой сыаллары, бинокллары, портативнай аккумулятордары, эми, сылаас таҥаһы, гаас билииткэлэрин, сибээс сириэстибэлэрин, онтон да атын тэхэньиичэскэй тэриллэри булуналларыгар диэн үбүнэн көмөбүтүн бойобуой дьайыылар кыттыылаахтарын өрөспүүбүлүкэтээҕи уопсастыбаннай тэрилтэлэригэр ыыппыппыт. Бу байыастар Донбасска барар айаннарын тэрийиигэ туох кыаллар көмөнү оҥорорго кыһаллыбыппыт.
Алтынньы 4 күнүгэр ыытыллыбыт телемарафоҥҥа кыттан, «Барыта — Кыайыы туһугар» пуондаҕа харчынан тус көмөбүн ыыппытым. Киин куорат дьаһалтатын көрдөһүүтүнэн быстах ыҥырыынан барааччыларга наадалаах табаары, таҥаһы, малы ылыыга кыттыбыппыт.
Билигин куорат дьаһалтатын кытта быстах ыҥырыынан анал байыаннай эпэрээссийэҕэ төһө киһибит кытта сылдьарын, дьиэ кэргэннэрин, оҕолорун, кинилэргэ туох көмөнү оҥорор наадатын чуолкайдыыбыт, бу дьоммут Саҥа дьылы санааларын түһэрбэккэ, көрсөллөрүн туһугар үлэ ыыта сылдьабыт. Анал байыаннай эпэрээссийэҕэ кытта сылдьар дьоммут дьиэ кэргэннэригэр, оҕолоругар хаһааҥҥытааҕар да болҕомто күүһүрүөхтээх, биһиги кинилэри хайаан да өйүөх тустаахпыт. Бары бииргэ күүһү түмэн эрэ бу ыарахаттары туоруохпут!
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…