Виктор Колесов: “Олохтоохтор баҕа өттүнэн уонна быстах хомуурга барбыттар хайдах сулууспалыылларын билиэхтэрин баҕараллар”

Саха сирин олохтоохторо өрөспүүбүлүкэттэн барбыт байыастар сулууспалара хайдах ааһарын билиэхтэрин баҕараллар. Онон “Сахамедиа” холдинг кэрэспэдьиэннэрэ анал байыаннай дьайыы бара турар сиригэр барарга бэлэмнэр. Бу туһунан Дмитрий Аргунов “Фактор Z” биэриитигэр холдинг генеральнай дириэктэрэ Виктор Колесов кэпсээтэ.

“Билигин, үгүс хомуурга ыҥырыллыбыттар саҥа өрөспүүбүлүкэлэргэ барбыттарынан, миэстэтиттэн сырдатар ирдэнэр буолла. Саха сириттэн ыҥырыллыбыттар эбэтэр бэйэлэрэ баҕа өттүнэн барбыттар туһунан кэпсиир наада. Бу чопчу биһиэхэ туһаайыллыбыт сурах-садьык тарҕамматын туһугар ирдэнэр. Онон байыаннай суруналыыстыка наада” – диэн эттэ.

Холдинг генеральнай дириэктэрэ, суруналыыстар тыылга араас оруна суох түгэннэр туһунан ааҕар ыарахан диэн эппит байыастар туһунан элбэхтик суруйан туралларын бэлиэтээтэ. “Бу эр санааны намтатар. Биһиги байыастарбыт суһал уонна кырдьыктаах иһитиннэрии тахсыан баҕараллар”, — диэн эттэ.

Ону тэҥэ, суруналыыстар байыаннай дьайыы усулуобуйатыгар сулууспалаахтарга адаҕа буолуо суохтаахтарын уонна кинилэртэн туох хамсаныы ирдэнэрин өйдүөхтээхтэр диэн бэлиэтээтэ. Маныаха анаан “Сахамедиа” кэрэспэдьиэннэрэ Арассыыйатааҕы анал үөрэх университетыгар үөрэҕи ааспыттара.

Николай БОРИСОВ (СИА).