Хаартыска: Яна Байгожаева тиксэриитэ.
«Саханефтегазсбыт» АУо сыл бастакы аҥаарыгар кыһыҥҥы суолунан таһыыга былааннаммыт уматык 57 %-нын тиэйдэ.
Бу туһунан «Саханефтегазсбыт» АУо пресс-сэкирэтээрэ Яна Байгожаева сырдатта:
— «Саханефтегазсбыт» АУо генеральнай дириэктэрэ, Ил Түмэн дьокутаата Виктор Лебедев иһитиннэрбитинэн, олунньу 17 күнүнээҕи чахчынан 15 813 туонна убаҕас уматык аадырыстаах миэстэтигэр тиэрдилиннэ. Бүгүҥҥү күҥҥэ Хаандыга-Хонуу уонна Хаандыга-Баатаҕай туһаайыыга уматыгы тиэйии түмүктэннэ. Атын хайысханан үлэ тэтимнээхтик барар. Хампаанньа уһук ыраах сиргэ айанныыр таараламмыт убаҕас уматыгы тиэйиини саҕалаата. Былдьаһыктаах кэм буолан, тэрилтэ суукканы эргиччи үлэлиир. Дьокуускайдааҕы ньиэп баазатын сэргэ, убаҕас уматыгы таараларга кутан бэлэмнээһин тэрилтэ атын филиалларыгар эмиэ ыытыллар. “Уматык анал иһиккэ килиимэт усулуобуйатын учуоттаан кутуллар. Холобур, арктическай филиалларга билигин да тымныы күн-дьыл турар”, — диэн быһаарда Виктор Лебедев. Кыһын уонна навигация кэмигэр сезоннай суолларынан 2025 сылга убаҕас уматыгы тиэрдии былаана — 2748 туонна.
«Саханефтегазсбыт» АУо иэстэрин кэмигэр төлөөн иһэр олохтоох нэһилиэнньэни таараламмыт убаҕас уматыгынан хааччыйыы социальнай суолталааҕын өйдөөн туран, АЗС-тара суох сирдэргэ дуогабарга олоҕурбут үлэтин салгыы ыытар.
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…
Саха сиринээҕи Суһал ыстаап анал байыаннай эпэрээссийэҕэ кыттааччылары наадалаах тэриллэринэн уонна тиэхиньикэнэн хааччыйыыга систиэмэлээх үлэтин…
Саҥа дьылга Соҕуруу федеральнай уонна Хотугу Кавказтааҕы уокуруктартан ураты Арассыыйа Европатааҕы чааһын үгүс сиригэр хаардыыр.…
Бу түбэлтэни Александр Аргунов аҕабыыт 1913 с. “Якутские Епархиальные Ведомости” сурунаал 17-с нүөмэригэр бэчээттэппит. 1908…
Тохсунньу 1 күнүттэн киин куоракка оптуобус төлөбүрэ 58 солкуобайга диэри үрдүүрүн туһунан киин куорат баһылыга…