Норуот дьокутаата Виктор Лебедев өрөспүүбүлүкэ бастыҥ үөрэҕин кыһатын уопуттаах преподавателлэрин десаанын тэрийбитэ үһүс сыла буолла. Преподавателлэр оҕолор сүрүн биридимиэттэргэ — математикаҕа, нуучча тылыгар, физикаҕа уонна обществознаниеҕа биир кэлим эксээмэни туттаралларыгар босхо консультацияны ыыталлар.
«Маннык үөрэҕи ылан, оҕолор билиилэрэ-көрүүлэрэ элбээбитигэр, салгыы сөптөөх хайысханы батыһалларыгар эрэнэбин», — диэн норуот дьокутаата бэлиэтиир.
Быйыл маннык аахсыйанан муус устар 2-5 күннэригэр Томпо уонна Таатта оройуоннарын выпускниктара үөрэннилэр. Дьарыгы Хаандыгатааҕы оскуолаҕа, В.А.Штыров аатынан Томпо элбэх хайысхалаах гимназиятыгар уонна А.Е.Мординов аатынан Таатта лиссиэйигэр ыыттылар.
Түөрт күн устата ыраах нэһилиэктэртэн кэлбит оҕолор босхо БКЭ-ҕэ бэлэмнэнннилэр. Ыҥырыылаах преподавателлэр билиилэрин, уопуттарын кытта үллэһиннилэр, үөрэнээччилэргэ уустук тиэмэлэри быһааран, эксээмэннэргэ бэлэмнээтилэр.
Төрөппүттэр уонна оҕолор норуот дьокутаатыгар Виктор Лебедевкэ махтаналлар, дьокутаат үөрэхтээһин уонна доруобуйа харыстабылын бырайыактарыгар систиэмэлээх, киэҥ хабааннаах үлэтин бэлиэтээтилэр. Кинилэр этэллэринэн, ХИФУ преподавателлэрин хаачыстыбалаах бэлэмнээһиннэрэ оҕолор эксээмэннэрин этэҥҥэ туттаран, талбыт үөрэхтэригэр туттарсалларыгар улахан кыаҕы биэрэр.
Яна Байгожаева.
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…
Неонатолог быраастар кэмин иннинэ күн сирин көрбүт кырачааннар олохторун быыһыырга сүрүн оруолу ылаллар. Кинилэртэн биирдэстэрэ…
— Өскөтүн иккилээх оҕом сайдыытыгар хаалыылаах дии санаатахпына, ханна баран сүбэ-ама ылыахпын сөбүй? Саастыылаахтарын кытта тэҥнээн…
Халлаан сылыйан оҕолор кыралаан былаһааккаларга оонньуур, салгын сиир буоллулар. Хаар ууллуута уһун кыһын устата тоҥон…