Хаартыска: Яна Байгожаева тиксэриитэ.
Элбэх оҕолоох уонна уустук балаһыанньаҕа түбэспит 94 дьиэ кэргэн оҕолоругар норуот дьокутаата уонна «Саханефтегазсбыт» АУо генеральнай дириэктэрэ Виктор Лебедев аатыттан Саҥа дьыллааҕы бэлэхтэри туттардылар.
Бэлэхтэри СӨ Үлэ уонна социальнай сайдыы министиэристибэтин иһинэн Тааттатааҕы нэһилиэнньэ социальнай көмүскэлин кэлим киинигэр сыл аайы ыытыллар утренникка туттардылар. Ахсынньы 24 күнүгэр Ытык-Күөл сэл. тымныыны аахсыбакка улуус бары кэриэтэ нэһилиэктэриттэн оскуолаҕа киириэн иннинээҕи уонна оскуола саастаах оҕолор бырааһынньыкка кэлбиттэрэ.
Оттон ахсынньы 29 күнүгэр биир дойдулаахтарын Саҥа дьыллааҕы бэлэҕин Томпо улууһун оҕолоро тутуохтара.
Быйыл, үгүс сыл анараа өттүгэр олохтообут үтүө үгэһин тутуһан, Таатта уонна Томпо быыбардыыр уокуруктарын дьокутаата Виктор Лебедев социальнай өттүнэн көмүскэлэ суох ыаллар оҕолоругар тус харчытыттан сэттис төгүлүн бэлэх туттарар.
Сыл аайы сааскы сынньалаҥ кэмигэр кини үбүлээһининэн ХИФУ преподавателлэрин хамаандата Таатта уонна Томпо улуустарыгар тиийэннэр, оскуола үрдүкү кылаастарыгар үөрэнэр оҕолоругар БКЭ сүрүн биридимиэттэригэр, ахсааҥҥа, физикаҕа, обществознаниеҕа, нуучча тылыгар босхо консультациялары оҥороллор. Оттон үөрэх дьылын бүтүүтэ икки улуус оскуолаларын бастыҥ үөрэнээччилэрэ – үрүҥ уонна кыһыл мэтээлинэн бүтэрбит оҕолор – Виктор Лебедев аатыттан сыаналаах бэлэхтэри туталлар.
Яна Байгожаева
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…
Ил Дархан Туһаайан этиитигэр эппитинэн, Култуура сылыгар Муусука үрдүкү оскуолата уонна Арктикатааҕы эпос, ускуустуба киинэ…
Аркадий Новиков төрүттээбит “Көөчөөн көрө” мини тыйаатырын салайааччыта, СӨ култууратын үтүөлээх үлэһитэ Анна Охлопкова айар…
Мэҥэ Хаҥалас улууһугар байыаннай дьайыы бэтэрээнэ Айнар Слепцов парикмахерскай солуонун үөрүүлээх быһыыга-майгыга арыйда. Бу туһунан…