Беларусь Өрөспүүбүлүкэтин дэлэгээссийэтэ Саха сиригэр көтөн кэлиэхтээх этэ. Дэлэгээссийэни өрөспүүбүлүкэ национальнай олимпийскай кэмитиэтин салайааччыта Виктор Лукашенко салайар. Белоруссия бэрэсидьиэнин улахан уола II “Азия оҕолоро” норуоттар икки ардыларынааҕы кыһыҥҥы спортивнай оонньуулар уоттарын уматыы сиэригэр-туомугар кыттыахтаах этэ. Оонньуу кэмитиэтигэр СИА-ҕа иһитиннэрбиттэринэн, сөмөлүөт рейсэ тардыллан, кини кыайан көтөн кэлбэт буолбут.
Белоруссия спортсменнара кыһыҥҥы оонньууларга аан бастаан кыттыыны ылыахтара. Кинилэр 2024 сылга Дьокуускайга буолар VIII сайыҥҥы норуоттар икки ардыларынааҕы оонньууларга эмиэ кыттыахтарын сөп.
Кыһыҥҥы оонньуулар уоттарын уматыы тохсунньу 21 күнүгэр Өлүөнэ очуостарыгар сахалыы сиэринэн-туомунан ыытыллыаҕа.
Бу кэнниттэн уоту Кузбасска илдьиэхтэрэ. Онно бары муниципальнай тэриллиилэринэн кэрийэн, эстафета быһыытынан сылдьыаҕа. “Азия оҕолоро” нороуттар икки ардыларынааҕы кыһыҥҥы оонньуулар олунньу 23-кулун тутар 5 күннэригэр Кемеровскай уобаласка буолуохтара. Саха сирэ спорт алта көрүҥэр күрэхтэһиилэргэ кыттыахтаах.
Бүгүн былааннары олоххо киллэрэргэ табыгастаах кэм. Бу күн бэрээдэги, эппиэтинэстээх буолууну ирдиир. Ол эрээри, Ый…
Саха сирин синоптиктарын иһитиннэриитинэн, бүгүн, тохсунньу 10 күнүгэр, өрөспүүбүлүкэҕэ соҕуруулуу-арҕаа, соҕуруу, илин өттүгэр кыралаан хаардыыр,…
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…