Хаартыска: sakha.gov.ru саайтыттан.
РФ Үөрэхтээһиҥҥэ министиэристибэтин орто анал үөрэхтээһиҥҥэ уонна идэҕэ үөрэтии эйгэтигэр судаарыстыбаннай департаменын дириэктэрэ Виктор Неумывакин уонна СӨ Бырабыыталыстыбатын Бэрэссэдээтэлин солбуйааччы Анатолий Семенов, үлэ биэрээччилэр, СПО тэрилтэлэрин бэрэстэбиитэллэрэ кыттыылаах сүбэ мунньахха орто анал үөрэх эрэгийиэннээҕи тиһигин сайдыытын туһунан дьүүллэстилэр.
Бүгүн өрөспүүбүлүкэ үрдүнэн орто анал үөрэх 42 тэрилтэтэ үлэлиир, онно 2023-2024 үөрэх дьылыгар 29 тыһыынча ыччат үөрэннэ. Профүөрэхтээһин тиһигин уларыта тутууга кэлиҥҥи сылларга улахан үлэ барда. Биһиэхэ наадалаах идэлэргэ үөрэтии аныгы бырагыраамалара оҥоһуллаллар, инфраструктура сайдар. 2023 сылтан хапытаалынай өрөмүөн уонна хааччыйыы – сыллата биэстэн итэҕэһэ суох колледжка, техникумҥа оҥоһуллар.
Ордук улахан болҕомто бөдөҥ хампаанньалардыын үлэ биэрээччи буолалларын быһыытынан бииргэ үлэлэһэргэ ууруллар. Онон устудьуон үөрэҕин бүтэрэ да илигиттэн сыаналаах практическай уопуту ыларын тэҥэ үлэҕэ киирэрэ хааччыллар.
Виктор Неумывакин, Саха сирэ орто анал үөрэх выпускниктарын үлэҕэ киллэрэринэн, бииргэ үлэлэһэр тэрилтэтэ элбэҕинэн, эксээмэннэрин көрдөрүүтүнэн, профориентационнай үлэни үчүгэйдик ыытарынан дойдуга бастыҥнар кэккэлэригэр сылдьарын бэлиэтээтэ, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
Сэтинньи 6 күнүгэр Нерюнгри куоракка тулаайах оҕолорго уонна төрөппүт көрүүтэ-харайыыта суох хаалбыт оҕолорго Виктор Ждамиров…
Сулустар тугу түстүүллэр? ХОЙ Хой бэлиэлээхтэргэ тыҥааһыннаах, ыксаллаах балаһыанньа үөскүүр куттала улаатар. Үп-харчы өттүгэр дохуоккунороскуоккун…
Бээтинсэ түүнүгэр Дьокуускайга салгын температурата -26...-28 кыраадыска диэри тымныйыаҕа. Күнүс Саха сиринээҕи гидрометеосулууспа кыралаан хаардыырын…
2025 сылга биисинэһи өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак…
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…