Виктор Потуремскай Саха сиригэр быыбар хампаанньатын туһунан санаатын үллэстэр

Саха сиригэр быыбар иннинээҕи хампаанньалар үлэлэрин саҕалаатылар. Үгүс баартыйалар хандьыдааттарын таллылар. Өрөспүүбүлүкэҕэ быыбар хампаанньатын туһунан Социальнай маркетинг институтун бэлитиичэскэй анаалыска дириэктэрэ Виктор Потуремскай Ленскэй кулуупка санаатын үллэһиннэ:

— Билигин эрэгийиэннэргэ уопсастыбаннай-бэлитиичэскэй бэбиэскэни уонна былаас уорганнарыгар дьайыыны, сыананы байыаннай эпэрээссийэ быһаарар буолла. Боростуой дьон кыһалҕатын быһаарар, сайдыыны, биир тэҥ олоҕу хааччыйар көдьүүстээх үлэлээх  салайааччылар инники күөҥҥэ сылдьаллар.

Билиҥҥитэ Саха сирин баһылыгар сэттэ хандьыдаат баар. «Биир ньыгыл Арассыыйа» баартыйа хандьыдаат быһыытынан билигин баһылыктыы олорор Айсен Николаевы талла. Бу баартыйаттар ураты ЛДПР Гаврил Парахины, «Арассыыйа хомуньуустара» Игорь Борисовы, Биэнсийэлээхтэр баартыйалара Владимир Тимофеевы, «Родина» баартыйа Олег Маклашову, «Гражданская платформа» баартыйа Юрий Пшенниковы, «Зеленые» баартыйа Александр Вакары хандьыдаат быһыытынан таллылар.

«Новые люди» баартыйаттан өрөспүүбүлүкэ баһылыгын быыбарыгар кыттартан аккаастаннылар. Мин маны өйдөөбөппүн. Биир өттүнэн, саҥа тэриллибит баартыйа эрэгийиэн баһылыгын быыбарыгар кыттар көдьүүстээх кейстэри ууран биэрбэтэ буолуо.

Сиһилии Ленскэй кулууп матырыйаалыгар ааҕыҥ.