Виктор Рассадин: «Күрэхтэһии иннинэ олус долгуйбутум»

Өр кэмнээх тохтобул кэнниттэн тустуук Виктор Рассадин улуу тириэньэр Дмитрий Коркин төрөөбүтэ 95 сылынан ыытыллыбыт норуоттар икки ардыларынааҕы турнирга кытынна. Кини бу турнирга алтыс төгүлүн кыһыл көмүс мэтээли ылары ситистэ. Спортсмен бэлиэтииринэн, кыайыы кэлэригэр ыалдьааччылар уонна хамаанда өйөбүлэ көмөлөспүт.

Санатан суруйдахха, финалга Расадин биир дойдулааҕын, Саха сирин көҥүл тустууга сүүмэрдэммит хамаандатын хапытаанын Константин Капрынову кытта тустубута.

«Күрэхтэһии иннинэ олус долгуйбутум, тоҕо диэтэххэ эчэйии ыламмын өр кэмҥэ тустубакка сылдьыбытым. Улахан түһүлгэҕэ кыттыбатаҕым сылтан орто, онон финалтан туох да чэпчэкини күүппэтэҕим, ыарахан киирсии ааһарыгар бэйэбин ностуруойдаабытым. Ыалдьааччыларым миигиттэн үчүгэй киирсиилэри күүппүттэрин билэбин. Дьарыктаах буоламмын бастаатым», — диэн чөмпүйүөн санаатын үллэстэр.

Виктор Рассадин этэринэн, Коркин түһүлгэтэ биир саамай бастыҥ турнирынан буолар, тоҕо диэтэххэ манна аан дойду күүстээх тустууктара кытталлар.

Быйылгы турнирга 15 дойдуттан 170-тан тахса тустуук күөн көрүстэ.