Виктор Рассадин Олимпиадаҕа боруонса мэтээл иһин киирсиэҕэ

Виктор Рассадин Олимпиадаҕа боруонса мэтээл иһин киирсиэҕэ. Кини Олимпиадаҕа финал аҥаарынааҕы киирсиигэ хотторон кэбистэ.

Бөлүүн түүн Саха сирин олохтоохторо утуйбатылар – Виктор Рассадин тустарын көрдүлэр. Хомойуох иһин, уолбут Узбекистантан киирсэр Разамбек Жамаловка 2:8 ахсаанынан хотторон кэбистэ.

Санатан эттэххэ, Виктор бэҕэһээ маҥнай Герция бөҕөһүн, Европа чөмпүйүөнүн Георгеос Кугумцидиһи 8:2 ахсаанынан, салгыы кытай бөҕөһө Лу Фэному 7:4  ахсаанынан эрэлээхтик кыайталаабыта.

Аны боруонса мэтээл иһин киирсиитин кэтэһэбит. Үһүс миэстэҕэ утарсааччыларынан 2021 сыллааҕы Олимпиада үрүҥ көмүс призера М.Кадимагомедов, Европа түөрт төгүллээх чөмпүйүөнэ Т.Салказанов эбэтэр Арассыыйа икки төгүллээх чөмпүйүөнэ, 23 с. диэри аан дойду чөмпүйүөнэ Ч.Валиев буолуохтарын сөп диэн Николай Бэстиинэп иһитиннэрэр. Үһүс миэстэ иһин тустууну Саха сирин бириэмэтинэн түүн 2:30 мүн. көрүөхпүт. Виктор, кытаат, бүтүн Саха сирэ, Арассыыйа эрэнэр!