Виктор Романов: «Быйыл хаһааҥҥытааҕар да элбэх дьиэ тутулунна»

Тутуу миниистирэ Виктор Романов Ил Дархан Анал этиитигэр тутуу эйгэтигэр бэлиэ хайысхалары торумнаата диэн эттэ.

— Быйыл хаһааҥҥытааҕар да элбэх — 750 тыһ.кв.м. иэннээх олорор дьиэни тутан киллэрдибит. Тутуу эйгэтин өйөөһүн биллэр түмүктэри аҕалара көстөр. Дьокуускайга кэлим сайдыы бырайыактарын олоххо киллэрии ураты болҕомтону эрэйэр. Бу бырайыактар куорат эйгэтин саҥардаллар, хаарбах дьиэ кыһалҕатын быһаараллар. 3 тыһыынчаттан тахса дьиэ кэргэттэр саҥа кыбартыыраларга көһүөхтэрэ, куоракка 900 тыһ.кв.м. иэннээх саҥа дьиэ тутулунна, — диэн миниистир эттэ.

Саха сиригэр бу сыл 48 тыһыынча киһи хаарбах дьиэттэн көһөрүү бырагырааматынан саҥа дьиэлэннэ. Өссө 11 тыһыынча киһи «Инфраструктура для жизни» национальнай бырайыагынан дьиэлэнэр кыахтанна.

— Ил Дархан ыйбыт хайысхалара бырайыактары олоххо киллэриигэ хаачыстыбаны, инновацияны, эппиэтинэһи ирдииллэр. Тутуу эйгэтэ бу соруктары толорууга ыйыллыыбыт хайысхаларынан үлэлээн иһиэҕэ, — диэн Виктор Романов эттэ.