Виктор Семенов: «Биһиги күүспүт – түмсүүгэ!»

СӨ Бэтэринээрийэтин департаменын салайааччытын солбуйааччы Виктор Семенов бэтэринээрийэ сулууспатын үлэһиттэрэ байыаннайдарга уонна кинилэр дьиэ кэргэттэригэр күүс-көмө буолууттан туора турбаттарын, тыылтан күүстээх өйөбүлү оҥорууга көмөлөһө сылдьалларын бэлиэтиир.

— Арассыыйа сэбилэниилээх күүстэрэ ыытар байыаннай эпэрээссийэлэрэ саҕаланыаҕыттан ыла дойду олохтоохторо, биһиги бары, байыаннайдарга уонна кинилэр дьиэ кэргэттэригэр күүскэ көмөлөһө олоробут. Бэтэринээрийэ сулууспатын үлэһиттэрэ мантан туора турбаккабыт, харчы хомуйуутугар, таҥас-сап тигиитигэр, эми-тому ыытыыга кыттабыт, быстах ыҥырыынан байыаннай сулууспаҕа барбыт дьоммут дьиэ кэргэттэрин шефтэһии бэрээдэгинэн болҕомтоҕо ылан, өрүү көмөлөһө сылдьабыт.
Биһиги бука бары сомоҕолостохпутуна, күүспүтүн түмтэхпитинэ, Украинаны харчынан, араас сэрии сэбинэн, наймыламмыт байыаннайдарынан хааччыйа олорооччулары хайаан да кыайыахпыт. Арассыыйа инникитин судаарыстыба быһыытынан баар буолуутун туһугар, дойдуну ыһыыга суоттаммыт былааннары утары көмүскэнэр киирсиигэ охсуһар. Байыаннай эпэрээссийэҕэ кытта сылдьар биир дойдулаах буойуттарбыт тыылтан биһиги көмөбүтүн, күүстээх өйөбүлбүт баарын билэллэр.
Кинилэр кыайыы аргыстаах төрөөбүт дойдуларыгар, дьиэ кэргэттэригэр этэҥҥэ чэгиэн туруктаах эргиллэн кэлэллэригэр баҕарабыт. Биһиги күүспүт – түмсүүгэ!