Хаартыскаҕа Н.Сергеева түһэриитэ
Өрөспүүбүлүкэтээҕи географическай-краеведческай викторина кыайыылаахтара ааттаннылар.
П.Д.Аввакумов аатынан киин бибилэтиэкэ нуучча географическай уопсастыбатын Саха сиринээҕи салаата тэриллибитэ 110 сылыгар анаммыт викторинаны тэрийэн ыытта. Уопсайа 75 боппуруостаах викторинаны СӨ Үөрэҕириитин үтүөлээх үлэһитэ, нуучча географическай уопсастыбатын чилиэнэ, РФ суруналыыстарын сойууһун чилиэнэ, кыраайы үөрэтээччи Владимир Прокопьевич Парфенов бэлэмнээбитэ. Викторина улуустааҕы “Үлэ күүһэ”, өрөспүүбүлүкэтээҕи “Саха сирэ” хаһыаттар саайтарыгар тахсыбыта.
Кыайыылаахтарынан ааттаннылар:
1 миэстэ, Текеянова Жоржетта Ивановна (Одуну нэһилиэгэ);
2 миэстэ, Иванова Арчылаана (Афанасий Осипов аатынан Бэрдьигэстээх орто оскуолатын 9 кылааһын үөрэнээччитэ);
3 миэстэ, Петрова Дария Егоровна (Дьокуускай куорат).
Михайлова Розалия, Винокурова Луиза (Бэрдьигэстээх улуустааҕы гимназиятын 8 кылааһын үөрэнээччилэрэ), Наумова Туйаара Михайловна (уһуйаан иитээччитэ, Бэрдьигэстээх нэһилиэгэ) кыттыыларын иһин туоһу суруктары өйдөбүнньүк бэлэхтэри туттулар.
Кыайыылаахтарга Нуучча географическай уопсастыбатын Саха сиринээҕи салаата, Кииннэммит библиотечнай ситим, Бэрдьигэстээх нэһилиэгин кыраайы үөрэтэр түмэлин анал бириистэрэ туттарылыннылар. Викторина кыттыылаахтарыгар, спонсордарыгар махтанабыт.
Учуутал уонна уһуйааччы сылыгар бэтэрээн, географ-учуутал Владимир Прокопьевич Парфеновка анаммыт кыраайы үөрэтэр чааска оскуола үөрэнээччилэрэ элбэҕи биллилэр, кинигэ быыстапкатын, хаартыскаларынан истиэндэлэри сэҥээрэн көрдүлэр. Кииннэммит библиотечнай ситим библиограба Анастасия Ивановна Заровняева Владимир Прокопьевич таһааттарбыт кинигэлэрин оҕолорго билиһиннэрдэ.
Айталина Санникова,
Настя Сергеева хаартыскаларга түһэриитэ.
Бэрдьигэстээх, Горнай.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…