Виктория Иванова – өрөспүүбүлүкэ бастыҥ педагог-бибилэтиэкэрэ

С.Н.Донской-II аатынан үөрэҕи сайыннарар уонна идэ таһымын үрдэтэр институкка “Оскуола бастыҥ педагог-бибилэтиэкэрэ-2025” өрөспүүбүлүкэтээҕи V күөн күрэс буолан ааста. Саха сирин араас муннуктарыттан барыта 10 исписэлиис кытынна.

Үс күннээх күүстээх бырагыраама үлэлээтэ: бырайыактары көмүскээһин, аһаҕас уруоктар, бибилэтиэкэ саайтарын билиһиннэрии, сыыппара технологияларынан маастар-кылаастар.

Муҥутуур кыайыылаах аатын уонна икки наҕарааданы ылла:

Виктория Иванова (Б.Н. Егоров аатынан Күндэйэ орто оскуолата, Сунтаар улууһа).

Күөн күрэс лауреаттара:

— Акулина Андреева (И.Д. Винокуров-Чаҕылҕан аатынан Нам алын сүһүөх оскуолата, Нам улууһа),

— Лена Дьяконова (Дьокуускай куорат 26-с нүөмэрдээх оскуолата).

Анал аат кыайыылаахтара:

— «Бибилэтиэкэ дьыалатыгар саҥаны киллэрии» — Анна Чирикова (Амма лиссиэйэ, Амма улууһа),

— «Гражданскай санааҕа иитии» — Мария Степанова (Маҕарас оскуолата, Горнай улууһа),

— «Дьиэ кэргэн ааҕыытын педагога» — Акулина Андреева (Нам алын сүһүөх оскуолата, Нам улууһа),

— «Уруокка саҥаны киллэрии» — Оксана Иванова (Марха оскуолата, Ньурба улууһа),

— «Идэни киэҥник билиһиннэрии» — Саргылана Сотникова (Төҥүлү оскуолата, Мэҥэ Хаҥалас улууһа).

Бу туһунан Үөрэх уонна билим министиэристибэтин телеграм-ханаалыгар суруйаллар.