Хаартыска: СӨ Ил Дарханын уонна Бырабыыталыстыбатын пресс-сулууспата.
Байыаннай эпэрээссийэҕэ барбыт төрөппүттээх устудьуоннарга болҕомто уурулла, өйөбүл оҥоһулла турар.
Өрөспүүбүлүкэ үөрэххэ уонна билимҥэ миниистирин солбуйааччы Виктория Захарова олунньу 15 күнүгэр ыытыллыбыт брифиҥҥэ байыаннай сулууспалаахтар дьиэ кэргэттэригэр социальнай өттүнэн бу күҥҥэ диэри туох-ханнык өйөбүл, көмө оҥоһуллубутун туһунан иһитиннэрдэ.
— Ааспыт сылтан 2023 сыл олунньу 15 күнүгэр диэри кэм устатыгар министиэристибэ байыаннай сулууспалаахтар дьиэ кэргэттэригэр социальнай көмө дьаһалларын ылыммытынан маннык үлэлэр бардылар. Оскуола иннинээҕи уһуйааннарга оҕону көрүү-истии иһин төлөбүртэн 1088 оҕо төрөппүтэ (сокуоннай бэрэстэбиитэлэ) босхолонно. Оскуолаларга 5-11 кылаастарга үөрэнэр, төрөппүт аҕата (сокуоннай бэрэстэбиитэлэ) байыаннай сулууспаҕа барбыт 1170 оҕо босхо аһыыра тэрилиннэ. 1268 оҕоҕо доруобуйаларын чэбдигирдэр лааҕырдарга барар босхо путевканы биэрэргэ быһаарыы ылылынна. Байыаннай эпэрээссийэҕэ барбыт байыаннай сулууспалаах дьиэ кэргэнин чилиэннэрин – техникумнар, кэллиэстэр уонна үрдүк үөрэх кыһаларын устудьуоннарын — кытта тус сыаллаах үөрэххэ үөрэниилэригэр дуогабар түһэрсиигэ 122 быһаарыы ылылынна. Орто уонна үрдүк үөрэх кыһаларыгар үөрэнэр 317 устудьуоҥҥа байыаннай эпэрээссийэҕэ барбыт төрөппүтүн байыаннай сулууспатын устатыгар үрдэтиллибит истипиэндьийэни төлөөһүн олохтонно.
Министиэристибэ байыаннай эпэрээссийэҕэ барбыт төрөппүттээх устудьуоннары болҕомто киинигэр тутан, өйөбүл оҥоһулла турар.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…