СИА хаартыската
Ахсынньыга Арассыыйа бары субъектарынан салгын температурата нуорматтан үрдүк буолуоҕа.
Бу туһунан сэтинньи 29 күнүгэр дойду гидрометеосулууспатын научнай салайааччыта Роман Вильфанд кэпсээтэ. «Интерфакс» кытары кэпсэтиигэ кини ахсынньы ыйга ортотунан салгын температурата нуорматтан намыһах көрдөрүү биир да субъекка күүтүллүбэтин бэлиэтээтэ.
«Дойду бары субъектарынан ахсынньыга ортотунан салгын температурата нуорматтан намыһах ханна да бэлиэтэниэ суоҕа. Бары территорияларынан кэриэтэ нуормаҕа чугас уонна нуорматтан үрдүк буолара кэтэһиллэр», — диэтэ метеоролог.
Кини этэринэн, ахсынньыга сэдэх көстүүнэн Азия үгүс өттүгэр Атлантическай акыйаан циклоннара түһүөхтэрэ. Синоптик ону сэргэ дойду үгүс субъектарынан нуорма кэриҥэ сөҥүү түһэрэ күүтүллэр эрээри, киин федеральнай уокурук соҕуруу өттүгэр — Рязанскай, Воронежскай, Тульскай, Липецкай уонна Тамбовскай уобаластарынан, ону тэҥэ Саха сирин хотугу өттүгэр сөҥүү нуорматтан намыһах түһэрэ сылыктанар.
Ордук элбэх сөҥүү Ненецкай автономнай уокуругунан, Архангельскай уобалаһынан, Коми уонна Мурманскай уобаластарынан, Пермь кыраайынан, Ямало-Ненецкэй уонна Ханты-Мансийскай автономнай уокуруктарынан, ону тэҥэ Сибиир соҕуруу өттүгэр уонна Уһук Илиҥҥэ (Чукотка, Бурятия, Магадаан уобалаһа уонна Приморскай кыраай) түһэрэ күүтэллэр.
Манна даҕатан эттэххэ, «Метео» киин салайааччыта Александр Шувалов иһитиннэрбитинэн, бүтүн Арассыыйа үрдүнэн ортотунан салгын температурата кыһын устата сылаас буолуо. Кини этэринэн, будурҕан тымныылар кылгас эрэ кэм устата түһэрэ сабаҕаланар.
Аны аҕыйах хонугунан, бэс ыйын 13–14 күннэригэр, Саха сиригэр Татарстаан Өрөспүүбүлүкэтин аатырар-сураҕырар Сабантуй национальнай бырааһынньыга ыытыллыаҕа.…
Горнай улууһугар үөрэх уонна экэниэмикэ управлениеларын холбоһуктаах үлэлэрэ үтүө түмүктээх буолла. СӨ үпкэ министиэристибэтэ “Школьно-инициативное…
Сулустар тугу этэллэр эбитий? Игирэ бэлиэтигэр төрөөбүттэргэ туох сүбэ баарый? Игирэлэр (21.05 -- 21.06) 2025…
Оҕобун таптыыбын, ол иһин харчыбын барыыбын диэнинэн билигин үгүс төрөппүт салайтарар. Эспиэрдэр бэлиэтииллэринэн, дьиэ кэргэн…
Быйыл оҕо сайыҥҥы лааҕырдарыгар суруйтарыы ыам ыйын 15 күнүттэн Судаарыстыбаннай өҥө порталынан саҕаламмыта. Босхо путевкаттан маппыт,…
Ааспыт сууккаҕа уопсайа 515 гектар сири хаппыт алта ойуур баһаарын умуруорбуттар. Бүгүҥҥү күҥҥэ Муома, Дьааҥы,…