Вильфанд нуорматтан 8-14 кыраадыс үрдүк температураны сылыктыыр

Чуолаан, Омскай, Новосибирскай уонна Кемеровскай уобаластарыгар салгын температурата күнүс -6-8, оттон Саха сиригэр күнүс -20С кыраадыс буолара күүтүллэр диэн Гидрометсулууспа научнай салайааччыта Роман Вильфанд бэлиэтиир.

Халлаан нуорматтан таһынан сылыйыыта Уһук Илин, Урал уонна Сибиирдээҕи федеральнай уокуруктарынан күүтүллэр. Салгын температурата  килиимэт нуорматын 8-14 кыраадыс аһарыа.

«Ямало-Ненецкэй автономнай уокурукка чугастааҕы  икки хонук устата салгын температура нуорматтан 10-12 кыраадыс үрдүк буолуо. Саха сиригэр, Бурятияҕа уонна Забайкалье кыраайыгар нуорматтан таһынан 8-10С кыраадыс үрдүк. Ол кэннэ Сибиир хотугулуу-арҕаа уонна Саха сирин соҕуруу өттүлэрин хабыа, салгын температурата 10-12 кыраадыс нуорманы аһарыа. Итини кытта Магадан уобалаһыгар уонна ордук Чукоткаҕа нуорматтан таһынан 12-14 кыраадыска тиийэ сылыйыа, онно Чуумпу акыйаантан сылаас салгын маассата тиийэр», — диэтэ кини.

Метеоролог этэринэн, Саха сирин арҕаа өттүгэр салгын температурата түүн -25С кыраадыс, күн иккис аҥаарыгар, күнүс -20С буолуо. Роман Вильфанд иһитиннэрбитинэн, маннык хабааннаах тосту уларыйыылар антициклон салгыы Арҕаа Сибииртэн барарынан сибээстэнэр.