Вильям Иванов: «Сөптөөх үлэ ыытыллар»

Бу сылларга туох үлэ ыытыллыбытыгар, туох ситиһиллибитигэр өрөспүүбүлүкэ уопсастыбаннаһыгар биллэр-көстөр дьон санааларын үллэһиннилэр. 

Вильям Иванов, СӨ сэрии уонна үлэ бэтэрээннэрин сэбиэтин бэрэссэдээтэлэ:

– Быйыл өрөспүүбүүкэ 2023 сыллаах бүддьүөтүн дохуотун уопсай кэриҥэ 23 млрд солк. тахса улаа­тан 296,4 млрд солк. куоһарда. Бу барыта сөптөөх үлэ барбытын туоһулуур. Бүддьүөккэ эбии дохуот киириитэ өрөспүүбүлүкэ сайдыытыгар улахан кыахтары биэрэр. Социальнай бэлиитикэҕэ, үөрэхтээһиҥҥэ, култуураҕа, эт-хаан чэбдиги­риитигэр, о.д.а. судаарыстыбаннай бүддьүөт ороскуота 141,7 млрд солк. тэҥнэстэ. Ити курдук бүддьүөт социальнай хайысхаҕа туһуланарын бэлиэтиэхпин баҕарабын. Онон Айсен Николаев өрөспүүбүлүкэни сайыннарар үлэтин-хамнаһын биһиги көлүөнэ дьон биһириибит уонна өйүүбүт.