“Виртуозы Якутии” ансаамбыл аһымал кэнсиэртэриттэн киирбит үп бааһырбыт байыастарга көмөлөһөр пуондаҕа киириэҕэ

“Виртуозы Якутии” ансаамбыл Дьокуускайга аһымал кэнсиэри көрдөрүөҕэ. Киирбит үбү артыыстар байыаннай эпэрээссийэ кэмигэр эчэйбит Саха сирин олохтоохторугар көмөлөһөр аһымал пуондатыгар биэриэхтэрэ.

Скрипачтар аатырбыт ансаамбылларын кэнсиэрин тэрийэр продюсер Федор Анучин байыаннай чаастар хамандыырдарын кытта ыкса сибээстэһэр уона аадырыстаах көмөнү тиэрдэр.

Саха сирин уонна Арассыыйа “сулустара” кыттыылаах аһымал кэнсиэрдэриттэн киирбит үп эмиэ байыастарга ыытыллыаҕа.

Таарыйа аҕыннахха, соторутааҕыта “Саха сирин Бастайааннай бэрэстэбиитэлистибэтин 100 сыла” бэлиэнэн Саха сирин култууратын үтүөлээх үлэһитэ Раиса Дмитриева, РФ култууратын үтүөлээх үлэһитэ Лариса Габышева уонна мусукаан уонна продюсер Федор Анучин наҕараадаламмыттара.

Саха сирин Бастайааннай бэрэстэбиитэлэ Андрей Федотов өрөспүүбүлүкэ салалтатын аатыттан артыыстарга көхтөөх позицияларын иһин махтанна.

Андрей Федотов волонтердары – култуура диэйэтэллэрин Саха сирин баһылыга Айсен Николаев дьаһалынан Москваҕа Саха сирин Бастайааннай бэрэстэбиитэлистибэтин баазатыгар тэриллибит Биир кэлим сүрүннүүр киини кытта ыкса үлэлэһэллэригэр ыҥырда.

Икки ый иһинэн бу киин аһымал пуондаларын кытта үлэни тэрийдэ, хас да тирэх пууннары аста, кинилэр нөҥүө таһаҕас өрөспүүбүлүкэттэн байыаннай чаастарга ыытыллар.

Кииҥҥэ (ЕКЦ) байыаннай сулууспалаахтар туохха наадыйаллара түмүллэр, оттон Донецкай норуодунай өрөспүүбүлүкэни кытта ыкса үлэлээһин ДНР-га БПЛА оператордарын үөрэтэргэ уонна  Дьокуускайга коптердар оператордарын үөрэтиини тэрийэргэ көмөлөһөр.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Хаартыска: РФ Бэрэсидьиэнин иһинэн Саха Өрөспүүбүлүкэтин Бастайааннай Бэрэстэбиитэлистибэтиттэн