“ВИС” бөлөх уонна “Кристалл роста” пуонда Арктика инфраструктуратын сайыннарыыга  күүстэрин холбоотулар

Бүгүн Дьокуускайга РФ Бэрэсидьиэнин көмөлөһөөччүтэ Николай Патрушев салалтатынан  Арассыыйа Арктическай эрэгийиэннэрин сайыннарарга, Трансарктическай тырааныспар суолун инфраструктуратын оҥорорго аналлаах сүбэ мунньах буолла.

Бу улахан былааны олоххо киллэрэргэ “ВИС” бөлөх уонна уонна “Кристалл роста” пуонда бииргэ үлэлииргэ дуогабар түһэристилэр. Бырайыактар ​​холбоһуктаах суумалара 1 трлн солкуобайга тиийиэн сөп. Манна Арктика сайдыытын уонна Трансарктическай тырааныспар суолун стратегическай суолталаах хайысхаларыгар угуллар инвестиционнай көҕүлээһиннэр киириэхтэрэ.  “ВИС” бөлөх дириэктэрдэрин Сэбиэтин бэрэссэдээтэлэ Сергей Ромашов эппитинэн, Арассыыйа 2040 сылга диэри урутаан иһэр инфраструктуратын сайдыыта 180 трлн солк. инвестицияны ирдиэҕэ, ол онтон 110 трлн солк. кэриҥэ чааһынай хапытаал буолуоҕа.

“ГЧП бырайыактарга бүддьүөттэн угуллар хас биирдии солкуобайга кэтэх  инвестиция түөрт солкуобайа тардыллар. Онон чугастааҕы сылларга ГЧП ырыынагын сабардама биэс төгүл үрдүүрэ күүтүллэр», — диэн эттэ.

Ил Дархан, бырабыыталыстыба пресс-сулууспата.