Александр Аржаков хаартыската.
Өлүөнэ өрүскэ муус сүрүннээн өрөспүүбүлүкэ иһинэн Ленскэй оройуонунан уонна Иркутскай уобалас Киренскэй уобалаһынан устар: муус алын кирбиитэ Ленскэй оройуонун Витим бөһүөлэгин аннынан устара бэлиэтэнэр, уу таһыма 539 см (кутталлаах таһыма — 950 см).
Муус хойуутук устар. Чуолкайдыыр буоллахха, муус Витим бөһүөлэгин аннынан бу сарсыарда 4 ч. устубута. Муус алын кирбиитэ Визирнэй бөһүөлэгин аннынан устар (Саха сирин кыраныыссатыттан 121 км). Суукка иһигэр муус 121 км уһунна.
Өрөспүүбүлүкэ иһигэр Ленскэй уонна Өлүөхүмэ оройуоннарыгар муус көтөҕүллэн турар, суукка иһигэр уу 0,3-1,8 м үрдээбит.
Алдан өрүскэ уонна кини салааларыгар уу суукка иһигэр 20-ттэн 60 см диэри тэтимнээхиик үрдүүр, муус көтөҕүллүбүт.
Амма өрүскэ муус Амма уонна Алдан өрүстэринэн устара бэлиэтэнэр. Муус алын кирбиитэ Чурапчы улууһун Мындаҕаайы сэлиэнньэтин аннынан бэлиэтэнэр, муус хойуутук устар, уу таһыма 858 см, суукка иһигэр 215 см эбилиннэ. Муус үөһээ кирбиитэ Амма улууһун Өнньүөс сэлиэнньэтиттэн үөһэ 60 км сиргэ бэлиэтэнэр. Суукка иһигэр муус 70 км уһунна.
Бүлүү өрүскэ уонна кини салааларыгар уу сууккаҕа 20-н 60 см диэри тэтимнээхтик тахсар, хамсааһын бэлиэтэнэр. Ньурба куоратын аннынан ырбыылаабыт.
Яна, Индигиркэ уонна Халыма өрүстэригэр кыһыҥҥылыы турар.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…