Витим бөһүөлэгэр оттук хаачыстыбата мөлтөҕүттэн «Квартальнай» хочуолунай итиини биэрэр температурата намтаан, олорор дьиэлэр тымныйа сырыттылар.
Олох-дьаһах хаһаайыстыбатын уонна энэргиэтикэ миниистирэ Вячеслав Емельянов эппитинэн, тохсунньу 31 күнүн 12.00 чаастааҕы туругунан, хочуолунайга сөптөөх хаачыстыбалаах оттук мас тиэрдиллэн, итиини биэрии чөлүгэр түһэн эрэр.
«Витим олохтоохторо уонна социальнай тэрилтэлэр сөптөөх итиинэн хааччыллыахтара. Барыта сэттэ элбэх кыбартыыралаах дьиэ, 70-ча чааһынай дьиэ уонна 2 социальнай эбийиэк. Санатан эттэххэ, «Квартальнай» хочуолунай «Илиҥҥи энэргэтиичэскэй ситим» хампаанньа дьаһалыгар баар. Хампаанньа дуогабар быһыытынан Витим бөһүөлэгин кэккэ хочуолунайдарыгар саҥардыы үлэтин ыытыахтаах, онно инчэҕэй ньиэп уонна мас сыыһа туһаныллар. Мас сыыһа – экологическай ыраас бородуукта, Витими итиинэн хааччыйарга туһаныллар. Билиҥҥитэ бөһүөлэги итиинэн толору хааччыйарга сөптөөх оттук баар», – диэн миниистир бэлиэтээтэ.
Миниистир эппитинэн, олох-дьаһах инфраструктуратын саҥардыы чэрчитинэн, Саха сирэ Арассыыйа 15 эрэгийиэниттэн, бырагырааматын ситиһиилээхтик көмүскээбиттэртэн биирдэстэринэн буолар. 2023-2024 сс. Сири-уоту сайыннарыы пуондатын нөҥүө федеральнай бүддьүөттэн 700 мөл. солк. тахсаны ылыахтаах. Бу үп, бастатан туран, инженернэй инфраструктураны сайыннарыыга ыытыллыа, ол аата эрэгийиэн 16 муниципальнай тэриллиитигэр итиинэн хааччыйар ситими саҥардыахтара уонна өрөмүөннүөхтэрэ. Икки сылга бырагырааманы үбүлээһин кэриҥэ млр. солкуобайтан тахса буолуо.
РФ Бырабыыталыстыбата уонна Өрөспүүбүлүкэ баһылыга Айсен Николаев түһэрсибит дуогабардарын чэрчитинэн, олох-дьаһах инфраструктуратын саҥардыы бырагыраамата инникитин даҕаны, Саха сирин нэһилиэнньэтин олоҕун хаачыстыбатын тупсарар сыаллаах салҕанан барыа.
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…
СӨ муниципальнай тэриллиилэрин бэрэстэбиитэллээх уорганнарын дьокутааттарын 3-с сийиэһэ куорат уокуруктарын, тыа сирин нэһилиэктэрин дьокутааттарын түмтэ.…
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…