Баһылыктар куораты тутууну былааннааһыҥҥа сүбэ-ама ыллылар

Визионерскай маастар-лиэксийэҕэ баһылыктар куораты тутууну былааннааһыҥҥа сүбэ-ама ыллылар.

Дьокуускайга «Төрөөбүт дойду – Арассыыйа күүһэ» диэн Бүтүн Арассыыйатааҕы муниципальнай пуорум эрэгийиэннээҕи күнэ саҕаланна.

Тэрээһиҥҥэ эрэгийиэн, федерация уонна муниципальнай былаас бэрэстэбиитэллэрэ, биисинэс дьоно, эспиэрдэр кытталлар. Үс күн устата куорат эйгэтин сайыннарыыга, историческай архитектураны харыстааһыҥҥа, инники кэскиллээх урбааны сайыннарыыга саҥа көрүүлэри ырытыһыахтара.
Бастакы күн визионерскай маастар-лиэксийэ буолан ааста.
Лиэксийэлэри уонна практическай дьарыктары федеральнай эспиэрдэр ыыттылар. Кинилэр стратегическай былааннааһын, сокуоннарга сүрүн уларыйыылар, цифровой информационнай моделларга уонна куораты тутуу хаамыытын цифровизациялааһын, куораты тутуу өр сыллаах бырагырааматын туһунан кэпсээтилэр.
Сүрүннээн куораты тутуу, тыа сиригэр туһаныллар бырагыраамаларыгар кыттыы докумуоннарын оҥоруу уонна олоххо киллэриигэ актуальнай инструменнар тустарынан быһаардылар, кэпсээтилэр.

Ааптар хаартыскаларга түһэриитэ