“Вклад в будущее” аһымал пуонда “Цифровой ликбез” видеонан тэттик киинэ сиэрийэлэрин бэлэмнээтэ

Сбербаан “Вклад в будущее” аһымал пуондата уонна “Сыыппара экэниэмикэтэ” тэрилтэ, РФ Үөрэҕириигэ, Сыыппараҕа министиэристибэлэрин өйөбүлүнэн, “Экономика данных” национальнай бырайыагы уонна “Технологическое лидерство” национальнай соругу өйүүр инниттэн, цифровой кырааматынас, көмпүүтэри туһаныыга куттал суох буолуутугар “Цифровой ликбез” Бүтүн Арассыыйатааҕы сырдатар бырайыак саҥа сезонун саҕалаата.

Быйыл пуонда эспиэртэрэ үөрэнээччилэргэ тиэмэлэринэн үс ролигы бэлэмнээбиттэр: «Резервное копирование данных», «Защита от спама» уонна GigaChat ролик эспиэртэрин көмөтүнэн оҥоһуллубут «Создавай новое с искусственным интеллектом».

“Цифровой ликбез” бырайыакка цифровой кырааматынас уонна көмпүүтэри туһаныыга куттал суох буолуутун туһунан оҕолору, улахан дьону өйдөнөр тылынан үөрэтэр педагогтарга аналлаах сырдатар тэттик ойуу киинэлэр уонна мэтэдиичэскэй матарыйааллар киирэллэр. Видеонан роликтар 6-тан үөһэ саастаах оҕолор төрөппүттэрин эбэтэр педагогтарын кытта көрөллөрүгэр ананар.

Үгэс быһыытынан, пуонда ролигын дьоруойдарынан балык идэлэрин китовскай академиятын улахан ааттаах-суоллаах үрдүк үөрэх кыһатын устудьуоннара – Полина, Матильда, Никита, Егор уонна Виктория  буолаллар. Доҕордуулар бэйэ-бэйэлэрин кытта “Песчаница” кафеҕа олорон сонуннарын үллэстэллэр. Бу сырыыга муора сулуһа Полина оҥоһуу өй, нейросеть уонна ойууну, тиэкиһи оҥорор промпт айар үлэҕэ, үөрэххэ көмөлөһөрүн туһунан кэпсиэҕэ. Матильда устрица суолталаах информацияны сөпкө харайыы быраабылатыгар сүбэтин  үллэстиэҕэ. Онтон Виктория балык спам ыыппыттарыгар онтон харыстанар ньыманы булбутун туһунан кэпсиэҕэ.

Ролик уонна мэтэдиичэскэй матырыйааллар «Цифровой ликбез» саайтыгар бааллар. Бырайыакка ханнык баҕарар педагог кыттыан уонна 2025 сыл олунньу 3 күнүттэн кулун тутар 2 күнүгэр диэри уруок ыытыан сөп.

“Аны 30-40 сылынан туох буолуон сабаҕалаан көрөр уустук. Ол эрээри, цифровой кырааматынас, оҥоһуу өйү кытта үлэ уонна көмпүүтэри туһаныыга куттал суох буолуута сүрүн сатабыл буолуоҕа  номнуо билигин биллэр. Ити хас биирдии киһиэхэ кинигэ ааҕыытын, суруйуу, суоттааһын курдук суолталаныаҕа. Биһиги аныгы үөрэнээччилэргэ кинилэр үөрэхтэригэр, инники олохторугар көмөлөөх суолталаах сатабыллары баһылыылларыгар көмөлөһөбүт” – диэн Сбербаан “Вклад в будущее” аһымал пуондатын иккис толорооччу дириэктэрэ  Пётр Положевец этэр.

“Аныгы оҕолор гаджеты күннэтэ тутталлар. Цифровой кыраматынас сүрүн өртүн билэллэрэ суолталаах. Бу ылбыт билиилэрэ күннээҕи олохторугар уонна үлэлэригэр туһалыырыгар эрэллээхпин” – диэн «Цифровая экономика» тэрилтэ генеральнай дириэктэрэ Сергей Плуготаренко бэлиэтиир.