Бүгүн, муус устар 7 күнүгэр, Дьокуускай куорат өрөспүүбүлүкэтээҕи медиа-киинигэр «Харысхал аһымал пуонда» бырайыактарын түмүгүн таһаарыы буолла.
Тэрээһиҥҥэ Дьокуускай куорат 30№-дээх оскуола ахсыс кылааһын үөрэнээччилэрэ, «Игротека детства» өрөспүүбүлүкэтээҕи куонкурус кыттыылаахтара сырыттылар. Тэрээһиҥҥэ «Харысхал» аһымал пуонда салайааччыта Любовь Клюкина, Елизавета Зарубина, грант кыайыылааҕа, инклюзивнай ыччат пуорумун тэрийээччитэ Айнара Скольникова кыттыыны ыллылар. Маны сэргэ, пуонда иһинэн тэриллибит көһө сылдьар хаартыскалаах быыстапка турда.
«Харысхал» аһымал пуонда исписэлииһэ Айнара Сокольникова:
— Былырыын 2024 сыллаахха «Росмолодежь» гранын кыайыылаахтара буолбуппут. Биһиги «Включайся в инклюзию» бырайыагы суруйбуппут. Ол түмүгүнэн былырыын сэтинньи ыйга «Включайся в инклюзию»ыччат пуорумун ыыппыппыт. Пуорумҥа сүүстэн тахса ыччат мустубута. Манна доруобуйаларынан хааччахтаах, хааччаҕа да суох ыччат бары кыттыбыта. Түөрт күн устата үс хайысханан пуорум ыытыллыбыта. Ол курдук, бырайыак суруйуутугар, иккиһинэн инклюзивнай, ол эбэтэр волонтердааһын, волонтердары кытта алтыһыы буолар, үсүһүнэн үтүө санаа уруоктарын ыытыы буолар. Манна доруобуйаларынан хааччахтаах дьон оскуолаларга үтүө санаа уруоктарын ыыталларыгар туһаайыллар хайысха буолар. Пуоруммут бүппүтүн да кэннэ граммыт чэрчитинэн үлэбит салҕаммыта. Маны сэргэ квиз-оонньуулары ыыппыппыт. Маны таһынан «Просто дружи» диэн көһө сылдьар хаартысканан быыстапка туруордубут. Бу быыстапка хаартыскаларыгар пуорумтан, үлэбит-хамнаспыт тэрээһиннэрбит түгэннэриттэн киллэрдибит. Оттон бүгүҥҥү тэрээһиммит сыала-соруга «Табылынна» диэн ааттаах. Санаа үллэстиитэ, тэрээһиннэрбит кыайыылаахтарын наҕараадалааһын буолла. Инклюзивнай пуоруммут сыала-соруга — доруобуйаларынан хааччахтаах ыччат санаатын түһэрбэккэ доруобай дьону кытта алтыһыылара, доҕордоһуулара буолар. Кинилэр эмиэ олоххо көхтөөхтөр, айар-тутар кыахтаахтар диэн санааттан бу граны суруйбуппут. Инникитин өссө кыттар санаалаахпыт. МУУС УСТАР бэстибээлгэ волонтерскай хамсааһынан кыттыахпыт.
Ахсынньы 16 күнүгэр Дьокуускай куоракка өр күүтүллүбүт «Патриот» ыччат киинин үөрүүлээх арыллыыта буолла. Бу –…
Уус Алдан улууһун Кэптэнитигэр “Хаарбах туруктаах дьиэттэн көһөрүү" бырагырааманан саҥа таас дьиэ үлэҕэ киирдэ. Бу…
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…