Владимир Путин Арассыыйа бырабыыталыстыбатын тутулун туһунан Ыйаахха илии баттаата
![](https://sakha-sire.ru/wp-content/uploads/2024/05/pravitelstvo-rf-1060x596.jpg)
Ыам ыйын 11 күнүгэр “Федерация толорор былааһын тутулун туһунан” РФ Бэрэсидьиэнин ыйааҕа таҕыста. Саҥа тутулунан премьер уон солбуйааччыланыаҕа. Бу туһунан РФ Бэрэсидьиэнин пресс-сулууспата иһитиннэрэр.
Ыйаахха этиллэринэн, бырабыыталыстыба бэрэссэдээтэлэ уон солбуйааччыланыаҕа. Ол иһигэр бастакы вице-премьер, Арассыыйа Бэрэсидьиэнин Уһук Илиҥҥи федеральнай уокурукка боломуочуйалааҕа-вице-премьер, бырабыыталыстыба аппараатын салайааччы-вице-премьер баар буолуохтара. Бу иннигэр бырабыыталыстыба бэрэссэдээтэлэ эмиэ уон солбуйааччылаах этэ. Атына диэн урут бырамыысыланнас уонна атыы-эргиэн миниистирэ вице-премьер дуоһунаһыгар сылдьыбыта. Билигин бу дуоһунас сарбыллан биэрдэ.
Санатан эттэххэ, сокуон быһыытынан, ыам ыйын 7 күнүттэн бырабыыталыстыба боломуочуйатын саҥа састаап ананыар диэри тохтоппута, билигин бырабыыталыстыба чилиэннэрэ эбээһинэһи толорооччунан үлэлии олороллор. Бэрэсидьиэн Владимир Путин ыам ыйын 10 күнүнээҕи Ыйааҕынан Михаил Мишустины бырабыыталыстыба бэрэссэдээтэлинэн хат анаабыта. Билигин саҥа састаап талыллыахтаах.
Сообщить об опечатке
Текст, который будет отправлен нашим редакторам: