Владимир Балынец аан дойду чөмпүйэнээтигэр үрүҥ көмүһү ылла

Владимир Балынец дойду паралимпийскай сүүмэрдэммит хамаандатын састаабыгар киирэн, пауэрлифтиҥҥэ аан дойду чөмпүйэнээтин үрүҥ көмүс мэтээлин ылла.

Сааҥсыйлартан уһун тохтобул кэнниттэн наҕараадалааһын сиэригэр-туомугар аан бастакытын Арассыыйа былааҕа өрө күөрэйдэ. Бу туһунан Өрөспүүбүлүкэтээҕи сүүмэрдэммит хамаандалары успуорка бэлэмнээһин киинин пресс-сулууспата иһитиннэр.

Аан дойду чөмпүйэнээтэ бу күннэргэ Египекка ыытылынна. Мэтээллэр иһин бастыҥ күрэсчиттэр кииристилэр. Владимир Балынец 49 киилэҕэ диэри ыйааһыҥҥа дойду чиэһин көмүскээтэ. Үс холонуу түмүгүнэн, бастакы миэстэни Бразилия бэрэстэбиитэлэ Круз Ма де Оливейра 515 киилэ түмүктээх ылла. Иккис миэстэҕэ Владимир Балынец 483 киилэ көрдөрүүлээх таҕыста. Оттон үһүс миэстэ Кытай күрэсчитигэр Ли Ван Гоҥҥа (464 кг) тигистэ. Бу – Арассыыйа үтүөлээх тириэньэрэ Петр Давыдов иитиллээччилэрин аҕыйах хонук иһигэр аан дойду чөмпүйэнээттэригэр иккис мэтээллэрэ буолар.

Санатан эттэххэ, бу иннинэ чэпчэки атлетикаҕа (ядрону анньыыга) аан дойду чөмпүйэнээтин боруонса мэтээлин Айаал Сивцев аҕалбыта.