Владимир Балынец пауэрлифтиҥҥа аан дойду чөмпүйэнээтигэр кыттыаҕа

Владимир Балынец пауэрлифтиҥҥа аан дойду чөмпүйэнээтигэр (ПОДА) кыттыаҕа. Кини аан дойду чөмпүйэнээтигэр бэһис төгүлүн күрэхтэһиэҕэ, маны кытта тэҥҥэ 18-с сайыҥҥы Паралимпийскай оонньууларга сүүмэрдээһин буолуоҕа. Күрэхтэһии алтынньы 8-12 күннэригэр Египет Каир куоратыгар ыытыллар.

СӨ успуорт министиэристибэтигэр иһитиннэрбиттэринэн, өрөспүүбүлүкэ ааттаах-суоллаах күрэсчитэ тириэньэрин Петр Давыдовы кытта Тульскай уобаласка Алексино куоракка баар баазаҕа эрчиллибиттэр. Бүгүн Каирга көтөллөр.

Владимир Балынец алтынньы 15 күнүгэр 49 киилэҕэ диэри ыйааһыҥҥа күрэхтэһиэҕэ.  Азербайджан, Бразилия, Кытай, Куба, Египет, Испания, Франция, Греция, Япония, Мексика уо.д.а. дойдулар күрэсчиттэрэ кыттыахтара.

Бу туһунан СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.