Владимир Балынец пауэрлифтиҥҥэ Арассыыйа чөмпүйүөнэ буолла

Арассыыйа успуордун үтүөлээх маастара Владимир Балынец дойду үрдүнэн күүстээҕин өссө төгүл дакаастаата. Кини 20-с төгүлүн Арассыыйа чөмпүйүөнүнэн буолла. Бу туһунан СӨ сүүмэрдэммит хамаандаларын бэлэмниир өрөспүүбүлүкэтээҕи киин иһитиннэрэр.

Тирэнэр-хамсанар аппарааттара эмсэҕэлээбит спортсменнар күрэхтэһиилэрэ Доброградка ыытылынна. Владимир Балынец 49 киилэҕэ диэри ыйааһыннаахтарга 160 киилэни уонна 317 киилэни өрө анньыыга бастыҥ көрдөрүүлэри аҕалла.

Күрэхтэһиигэ Арассыыйа 40 эрэгийиэниттэн 165 спортсмен кытынна: 110 эр киһи уонна 55 дьахтар.