Владимир Балынец пауэрлифтиҥҥэ Арассыыйа чөмүйэнээтигэр кыайда

Муус устар 11-15 күннэригэр Тулаҕа тирэнэр-хамсанар аппарааттара кэһиллиилээх дьоҥҥо пауэрлифтиҥҥэ Арассыыйа чөмпүйэнээтэ буолла.

Күрэхтэһии икки дьиссипилиинэнэн ыытылынна: өрө анньыыга уонна классическай өрө анньыыга. Манна дойду 84 эрэгийиэниттэн 700-тэн тахса спортсмен кытынна.

Паралимпийскай оонньуулар үрүҥ көмүс призера, Арассыыйа успуордун үтүөлээх маастара Владимир Балынец 49 киилэҕэ диэри ыйааһыҥҥа 170 киилэни өрө анньан, кыһыл көмүс мэтээли ылары ситистэ.

Владимир Балынец Петр Николаевич Давыдовка дьарыктанар. Үөрүүлээх сонуну «Триумф» успуорка бэлэмнээх буолуу киинин пресс-сулууспата иһитиннэрэр.