Владимир Богдашин: «Оҕо доруобуйата – биһиги сүрүн кыһамньыбыт»
![](https://sakha-sire.ru/wp-content/uploads/2023/12/izobrazhenie-whatsapp-2023-12-22-v-17.13.18_4c3b222f-900x596.jpg)
Саха Өрөспүүбүлүкэтин Ил Дархана Айсен Николаев Анал этиитигэр кэлэр сылы Оҕо сылынан биллэрбитин уонна оҕо харыстабылыгар, доруобуйатын тупсарыыга быһаарыныытын Оҕо инфекционнай килиниичэскэй балыыһатын кылаабынай бырааһа Владимир Богдашин биһирииллэрин этэр:
— Оҕо доруобуйатын харыстабыла – Арассыыйаҕа урут да, билигин да биир тутаах соругунан буолар. Саха Өрөспүүбүлүкэтин Баһылыга Айсен Николаев Ил Түмэҥҥэ Анал этиитигэр өрөспүүбүлүкэ оҕолорун доруобуйатын харыстабылыгар уонна бөҕөргөтүүтүгэр ураты болҕомтону уурда.
Айсен Сергеевич 2024 сылы Оҕо сылынан биллэрбитэ биһигини – оҕо быраастарын олус үөрдэр. Оҕо инфекционнай килиниичэскэй балыыһата бэйэтин компетенциятынан кэмигэр диагностикаҕа, эмтээһиҥҥэ уонна сыстыганнаах ыарыылары сэрэтэргэ тиһиктээх дьаһаллаары толорор.
Биһиги Ил Дархан оҕо доруобуйатын харыстабылыгар улахан болҕомтону уурарын уонна оҕолорго мэдиссиинэ көмөтүн хаачыстыбатын салгыы үрдэтэргэ бэлэмин туһунан быһаарыныытын биһирии иһиттибит.
Сообщить об опечатке
Текст, который будет отправлен нашим редакторам: