Хаартыска: sakha.gov.ru
РФ бырабыыталыстыбата Тиксии-Найба агломерациятын социальнай-экэнэмиичэскэй сайдыытын кэлим уһун болдьохтоох былаанын бигэргэттэ.
Кэлим былаан биир суолталаах бырайыагынан Булуҥ улууһугар Найба дириҥ уулаах муора пордун тутуу буолар. Бырайыак тырааныспар сырыытын төрдүттэн уларытыаҕа, суола-ииһэ суох сирдэри сылы эргиччи суоллаах оҥоруо, Хотугу муора суолугар тахсары хааччыйыаҕа. Инфраструктураны сайыннарыы Дьааҥы улуустарыгар баар бөдөҥ сиртэн хостонор баайдаах сирдэри туһаҕа таһаарыыны чэпчэтиэҕэ. Бырайыагы кэлимник олоххо киллэриигэ агломерация социальнай инфраструктуратын саҥардыы, билим уонна технология сайдыыта, Хотугу муора суолун устун куттал суох буолуутун хааччыйар миэрэлэр киирэллэр.
СӨ Арктиканы сайыннарыыга уонна Хоту норуоттар дьыалаларыгар миниистирэ Владимир Черноградскай маннык бэлиэтээтэ: «Арассыыйа бырабыыталыстыбата кэлим былааныгар “Тиксии-Найба” агломерациятын тирэх пуунунан бигэргэппитэ — биһиги эрэгийиэммитигэр улахан суолталаах түгэн буолар, ону олоххо киллэрии экэниэмикэни уларыта тутууга тиэрдиэҕэ. Муора хаһаайыстыбатын комплексын сайыннарыы уонна сиртэн хостонор баайдаах сирдэри туһаҕа таһаарыы өрөспүүбүлүкэ да, арктическай улуустар социальнай-экэнэмиичэскэй сайдыыларыгар суолталаах кылааты киллэриэхтэрэ. Саха сирин саҥа экэниэмикэтэ чугастааҕы кэмҥэ Арктиканан сайдыаҕа”.
Комплекснай былаан агломерация сайдыытын инники күөҥҥэ турар наадаларын, сүрүн хайысхаларын, нэһилиэнньэҕэ табыгастаах олорор усулуобуйаны тэрийэргэ, Арктиканы сайыннарарга уонна бу стратегическай суолталаах эрэгийиэҥҥэ Арассыыйа балаһыанньатын бөҕөргөтөргө туһуламмыт национальнай, эрэгийиэннээҕи уонна олохтоох соруктары быһаарар, диэн иһитиннэрэр СӨ Ил Дархан, бырабыыталыстыба пресс-сулууспата.
Ахсынньы 11 күнүгэр Дьокуускай куоракка «Өрөгөй» улахан уораҕайыгар «Ньурбалар түмсэр түһүлгэлэрэ» диэн элбэх биир дойдулаахтарын…
Быйыл Өймөкөөн улууһугар айылҕа иэдээнэ – улахан алдьатыылаах халаан үгүс хоромньуну таһаарбыта. Ахсынньы 2-3 күннэригэр…
“... Наһаа улахан киһи кэлэн ааста... Омуна суох, ууну-уоту ортотунан ааспыт салайааччыбыт киһиэхэ үчүгэйи эрэ…
Дьоллоох олохпутун салҕаан, өссө ордук үчүгэйдик олоруохпут… Алексей Ильич Сосин 1905 сыллаахха Мэҥэ Хаҥалас оройуонугар Моорук…
Куокуйдааҕы "Надежда" иистэнэр уопсастыбаннай холбоһукка оскуолабыт кэлэктиибэ (дир. Петров И.И.) таҥас быһар электрическай быһаҕы бэлэхтээн…
Соторутааҕыта Москваҕа РФ норуоттарын төрөөбүт тылларын учууталларын Бүтүн Арассыыйатааҕы сийиэһэ буолан ааста. СӨ Билимин академиятын…