Владимир Иванов: «Эһиги бэлэмҥит дуо?»
20.10.2022, 17:05
Бөлөххө киир:
“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.
Куонкуруспут 18-с кыттааччыта Дьокуускайтан «Айыы Кыһата» оскуола учуутала Иванов Владимир Владимирович:
Эһиги бэлэмҥит дуо?
Эһиги бэлэмҥит дуо?
Эйэлээх олох туһугар турарга?
Эр бэрдэрэ, эрчимнээх бэйэҕит!
Эрэли бэлэхтээҥ, бар дьоммутугар!
Эрэйдээх кэм кэлэн,
Эргиччи эрэйдээн эрэр,
Эстибэтин омукпут,
Эҥсиэли хочобут!
Эгэлгэлээх сирбитин,
Эн Олоҥхо дойдутун оҕото,
Эбээ, эһээ көмүскээбит сирин,
Эн хаххалыыр аналлааххын!
Эйэлээх олоҕу түстүөххэ,
Эн, мин дэһэммит,
Эрэли түстүөххэ,
Элбэх үөрүүнү аҕалыахха!
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: