Владимир Комков Хабаровскай кыраайга байыаннай дьайыы кыттыылаахтарын өйүөҕэ, арыаллыаҕа

«Муравьев-Амурский 2030» бырагыраама бастакы түһүмэҕин выпускнига Владимир Комков «Защитники Отечества» судаарыстыбаннай пуонда Хабаровскай кыраайдааҕы филиалын салайааччытын солбуйааччытынан буолла.

Владимир Комков Германия өрөспүүбүлүкэтин Веймар куоратыгар байыаннай лүөччүк дьиэ кэргэнигэр күн сирин көрбүтэ. Санкт-Петербургдааҕы тас экэниэмикэ сибээстэрин институтун бүтэрбитэ, аармыйаҕа сулууспалаабыта.

«Защитники Отечества» — байыаннай эпэрээссийэ кыттыылаахтарын өйүүр судаарыстыбаннай пуонда. Саха сиригэр маннык пуонда Дьокуускайга бэс ыйын 1 күнүттэн үлэтин саҕалаабыта. Офиска байыаннай дьайыыга сылдьар байыастарбытын, кинилэр дьиэ кэргэттэрин өйүүр социальнай координатордар үлэлииллэр. Манна уйулҕа кэбиниэтэ, бибилэтиэкэ, оҕолорго аналлаах былаһаакка, ону сэргэ дьарыктаах буолуу сулууспата  баар.