Владимир Максимов уонна Айбек Абдымомунов Дьокуускайга успуорка бииргэ үлэлээһини сайыннарыыны дьүүллэстилэр

«Азия оҕолоро» норуоттар икки ардыларынааҕы кэмитиэт бэрэсидьиэнэ Владимир Максимов Айбек Абдымомуновы кытта көрүстэ.

Көрсүһүү Кыргызстан Өрөспүүбүлүкэтин миниистирдэрин кэбиниэтин иһинэн баар Физическэй култуураҕа уонна успуорка судаарыстыбаннай ааҕыныстыба дириэктэрин киин-дьиэтигэр Саха сиригэр оробуочай сырыытын чэрчитинэн буолла диэн «Азия оҕолоро» пуондата иһитиннэрэр.

Өрүттэр оҕо успуордун сайыннарыы, норуоттар икки ардыларынааҕы бииргэ үлэлээһини бөҕөргөтүү уонна улахан тэрээһиннэргэ бэлэмнэнии билиҥҥи боппуруостарын дьүүллэстилэр. Сүрүн болҕомто ыччат ортотугар чөл олоҕу тарҕатыыга, икки дойду исписэлиистэрин уопутун атастаһыыга уонна эдэр күрэсчиттэри өйөөһүҥҥэ туһуламмыт холбоһуктаах бырайыактарга уурулунна.

Санатан эттэххэ, Кыргызстан Өрөспүүбүлүкэтэ «Азия оҕолоро» оонньууларга уонна кэмитиэт бырайыактарыгар биир саамай көхтөөхтүк кыттар дойдунан буолар. Бу дойду «Азия оҕолоро» оонньуулар 1996 сыллаахха тэриллиэхтэриттэн барытыгар кыттар.