Хаартыска: Годлитературы.рф
Саха суругунан литературата төрүттэммитэ 125 сылынан Арассыыйа Суруйааччыларын сойууһун бастакы сэкиритээрэ, бэрэсидьиэн көмөлөһөөччүтэ Владимир Мединскэй эҕэрдэтин ыытта.
Убаастабыллаах Наталья Ивановна, күндү доҕоттор!
Арассыыйа Суруйааччыларын сойууһун чилиэннэрин, бары саха суруйааччыларын бэлиэ күнүнэн — саха литературата төрүттэммитэ 125 сылынан эҕэрдэлиибин!
125 сыллааҕыта Алексей Кулаковскай- Өксөкүлээх Өлөксөй «Байанай алгыһа» диэн бастакы литературнай айымньытын суруйбута. Бу кэмтэн саха суругунан литературата төрүттэммитинэн ааҕыллар.
Бу үйэ тухары саха литературата улахан суолу ааста — кэпсээннэртэн эпическэй арамааннарга, хоһооннортон поэмаларга тиийэ, бары жанрдары баһылаата.
Саха суругунан литературатын төрүттээччи Алексей Кулаковскай поэт эрэ буолбакка, сырдатааччы этэ. Кини айар нэһилиэстибэтигэр лингивстикаҕа учуонай үлэлэрэ, «Саха интеллигенциятыгар суруга» бааллар, онно кини бэлиитикэҕэ уонна экэниэмикэҕэ манифест быһыытынан, нуучча норуотун кытта өрүү бииргэ буоларга кэриэһин эппитэ.
Күндү кэлиэгэлэрбит, ис дууһабыттан айар иэйиини, саҥаттан саҥа ситиһиилэри, чаҕылхай айымньылары уонна бары үтүөнү баҕарабын!
Владимир Мединскэй, РФ бэрэсидьиэнин көмөлөһөөччүтэ, Арассыыйа Суруйааччыларын сойууһун 1-кы сэкиритээрэ.
Туһааннаах докумуоҥҥа РФ Бэрэсидьиэнэ Владимир Путин илии баттаата, быраабы иһитиннэрэр официальнай порталга таҕыста. 2026 сылтан…
Сэтинньи 24 күнэ. Ил Дархан Дьокуускайга 2-с №-дээх куораттааҕы балыыһа SMART-поликлиникатын үөрүүлээхтик арыйыы тэрээһинигэр кытынна.…
Бу сыл бүтэһик үлэ нэдиэлэтэ баара-суоҕа икки күннээх буолуоҕа. Арассыыйа олохтоохторо ахсынньы 29 уонна 30…
ИДьМ сулууспатын 4 №-дээх полициятын отделын дьуһуурунай чааһыгар эр киһи ноутбуктаах суумкатын биллибэт киһи уоран…
Арассыыйаҕа ахсынньы 1 күнүттэн тас дойдуттан киллэриллэр тимир көлөҕө утилизационнай хомууру ааҕар саҥа быраабылалар күүстэригэр…
Сыл саҕаланыаҕыттан Саха сиригэр байыаннай дьайыы 96 кыттыылааҕа уонна 182 кинилэр дьиэ кэргэттэрин чилиэнэ үлэнэн…