РФ Үлэ Дьоруойа, СӨ тыатын хаһаайыстыбатын үтүөлээх үлэһитэ, “Бочуот Знага”, “Үлэ албан аата” 1, 2, 3 истиэпэннээх, “Хотугу сулус” уордьаннардаах, Сунтаар улууһун “Кириэстээх” кэпэрэтиип ыанньыксыта Владимир Африканович Михайлов 2022 сыл хайдах ааспытын туһунан санаатын үллэһиннэ:
– 2022 сыл мин олохпор үтүө түгэни бэлэхтээтэ. 100 сааһын ааһан баран бу Орто дойдуттан бараахтаабыт эбэм барахсан: “Москубаҕа хаста даҕаны барыаҥ”, – диэн алҕаабыта туолла. Арассыыйа Үлэ Дьоруойа буоллум. Онон, биллэн турар, санаам олус өрө көтөҕүллэн сылдьабын. Бииргэ үлэлиир дьонум эмиэ бары туруоруммут сорукпутун толорорго дьулустубут.
Ол курдук, оттооһун, сиилэһи угуу, үүтү ыаһын былаанын сүүс бырыһыан толорбуппут. Быйылгы кыстыкка “Кириэстээх” кэпэрэтиип 400 сүөһүнү көрөн-истэн олоробут. Итинтэн 200-һэ ыанар ынах буоллаҕына, 200-һэ – төрүөхтээх бургунастар. Төрөөбүт ынахтарбыттан 20-тэн тахсалыы киилэни ыы олоробун, онон үрүҥ илгэ үрүлүйэр. Хамнаспыт быстыбакка кэлэ турар, ол эмиэ үчүгэй. Москубаҕа Дьоруой аатын ыла сылдьан, дойду бэрэсидьиэнэ Владимир Путиҥҥа дойдубар Култуура дьиэтин уонна саҥа хотону туттарыыны туруорсубутум.
Онон бу 2023 сылга кулун тутар ыйга Култуура дыбарыаһын акылаата түһүөхтээх. Үлэлиир хаһаайыстыбабар – “Кириэстээх” ТХПК-ҕа саҥа комплекс тутуллуохтаах. Билигин үлэлии олорор хотоммут 1986 с. тутуу. Комплекспыт тутуута аны күһүҥҥүттэн саҕаланыаҕа дииллэр. Туруорсууларым этэҥҥэ олоххо киирэллэригэр олус баҕарабын. Дьиэ кэргэммэр эмиэ барыта этэҥҥэ. Кэргэним үлэ бөҕө, миэхэ эмиэ көмөлөһөр. Кыыспыт бэһискэ туйгуннук үөрэнэр.
2023 сылы Саха сирин Ил Дархана Айсен Николаев Үлэ сылынан биллэрдэ. Онон бука бары үлэбит таһаарыылаах буоллун, үлэ киһитэ куруук чиэскэ-бочуокка сырыттын!
Саха сиригэр сыл саҕаланыаҕыттан байыаннай дьайыы 32 кыттыылааҕа уонна байыаннай сулууспалаахтар 85 дьиэ кэргэттэрин чилиэнэ…
Бу сыл тохсунньу 10 күнүгэр буруйдаах дьахтар Кырдьаҕастар уонна инбэлииттэр өрөспүүбүлүкэтээҕи интэринээт-дьиэлэрин дириэктэрин дуоһунаһыттан ууратыллыбыта.…
Бүгүн, от ыйын 1 күнүгэр, Саха сиригэр Национальнай бэчээт күнүн бэлиэтииллэр. Саха Өрөспүүбүлүкэтигэр Национальнай бэчээт…
Бүгүн халадьыыльныкка кимиэхэ барытыгар кэриэтэ баар бородууктанан мини-пиццалары астыыр ырысыабы кытта үллэстэбит. Пиццалар сыырдаах эбэтэр…
Дьокуускайга от ыйын 1 күнүгэр Байыаннай дьайыы бэтэрээннэрин күнүгэр аналлаах сибэкки дьөрбөтүн ууруу үөрүүлээх тэрээһин…
Бэс ыйын 30 күнүгэр СӨ Национальнай бибилэтиэкэтигэр киһи аймах историятын икки саамай былыргы айымньыта –…