Хаартыска Ил Түмэн саайтан
Норуот дьокутаата Владимир Прокопьев Ил Түмэн Судаарыстыбаннай мунньаҕа байыаннай дьайыыларга мобилизациянан уонна бэйэлэрин баҕаларынан барбыт дьоҥҥо көмөнү уонна өйөбүлү салгыы оҥоруоҕа диэн эппитин пресс-киин иһитиннэрэр.
«Байыаннай дьайыыларга биһиги биир дойдулаахтарбыт элбэх киһи мобилизациянан ыҥырыллан уонна бэйэлэрин баҕа өттүлэринэн кытта сылдьаллар. Ол иһигэр мин үчүгэйдик билэр дьонум эмиэ бааллар. Кинилэри кытары сибээстэһэ турабын, кыаҕым баарынан кинилэр дьиэ кэргэттэригэр, дьонноругар көмөлөһөбүн. Ил Дархан Айсен Николаев атын субъектар салайааччыларыгар байыаннай дьайыыларга мобилизациянан уонна бэйэлэрин баҕаларынан барбыт дьоҥҥо уонна кинилэр дьиэ кэргэннэригэр көмөнү, өйөбүлү оҥоруу үтүө холобурун көрдөрдө», – диэн эттэ Владимир Прокопьев.
Быстах байыаннай дьайыыларга мобилизациянан уонна бэйэлэрин баҕаларынан барбыт дьоҥҥо уонна кинилэр дьиэ кэргэннэригэр улахан көмөнү өрөспүүбүлүкэ уонна улуустар дьокутааттара эмиэ оҥороллор.
Бэлиэтээн эттэххэ, Владимир Прокопьев тус бэйэтэ коптер, хараҥаҕа көрөр прибор, «Хоту-Тент» тэрилтэ тикпит сылаас утуйар мөһөөччүктэрин, олбохторун ыыппыта.
«Судаарыстыбаннай Мунньах спикерэ Алексей Еремеев сорудаҕынан быстах байыаннай дьайыыларга барбыт дьону уонна кинилэр дьиэ кэргэннэрин өйүүр миэрэлэр нормативнай-правовой баазаларын бары салааҕа дьүүллэһэбит уонна көннөрүүлэри киллэрэбит. Итини таһынан норуот дьокутааттара биирдиилээн сыраларын ууран, бэйэлэрин кыахтарынан көмөлөһөллөр. Бу хайысхаҕа үлэ салгыы барыа», – диэн кэпсээтэ Владимир Михайлович.
Ааспыт сыл бүтүүтэ норуот дьокутааттара Москваҕа сылдьан Бурденко аатынан госпиталга Саха сириттэн ыҥырыллыбыт, бааһырыы кэнниттэн эмтэнэ сылдьар байыастары көрсүбүттэрэ. Итини таһынан байыаннай дьайыыттан кэлэн эмтэнэ уонна доруобуйаларын чөлүгэр түһэрэ сылдьар биир дойдулаахтарын кытары көрсөллөр. Тугу даҕаны аахсыбакка, байыастарбыт бойобуой тыыннаахтара, инникигэ эрэллээхтэрэ үөрдэр диэн норуот дьокутаата бэлиэтиир.
«Саха сирин олохтоохторо биһиги байыастарбытыгар уонна кинилэр дьиэ кэргэннэригэр көхтөөхтүк көмөлөһөллөр. Итини таһынан улахан көмөнү биһиги урбаанньыттарбыт оҥороллорун бэлиэтээн тураммын, махталбын тириэрдиэхпин баҕарабын. Байыаннай дьайыыларга сылдьар дьоммут дьиэ кэргэннэригэр, ийэлэригэр, кэргэттэригэр дьиэлэригэр-уоттарыгар барыта этэҥҥэ буоларыгар, нус-бааччы олоҕу туталларыгар махтанабын», – диэн Владимир Прокопьев.
Саха сирин элбэх спортсменнарын үөрэппит Алексей Агаповка дойду успуордун миниистирэ Михаил Дегтярев бирикээһинэн мас-рестлиҥҥэ Арассыыйа…
Дьокуускайга ыам ыйын 17 күнүгэр «Түмэллэргэ түүн» диэн аахсыйа ыытыллар. Быйыл аан бастакытын аахсыйа геология…
«Продолжительная и активная жизнь» саҥа национальнай бырайыак олоххо киириитин чэрчитинэн Саха сиригэр сыл саҕаланыытыттан «Гепатиты…
Социальнай ситимнэринэн Саха сирин олохтоохторо Орто Сурт бөһүөлэк аттыгар трассаҕа маҥан кырсаны бэлиэтии көрбүттэрин видеоҕа…
Саха сиригэр анал байыаннай дьайыы бэтэрээннэрэ уонна кинилэр дьиэ кэргэттэрин чилиэннэрэ мэдиссиинэ уонна психологическай бырагыраамалар…
СӨ Бырабыыталыстыбатын дьаһалыгар олоҕуран, Нам улууһугар сокуоннайа суох үлэни бохсор бөлөх тэриллибитэ. Бөлөх салайааччыта –…