Хаартыска Ил Түмэн саайтан
Ил Түмэн судаарыстыбаннай тутууга уонна олохтоох бэйэни салайыныы боппуруостарыгар сис кэмитиэтин бэрэссэдээтэлэ Владимир Прокопьев бу күннэргэ Ньурба улууһугар быыбардааччыларын көрсөн, нэһилиэктэргэ сылдьан олоҕу-дьаһаҕы билсэн кэллэ.
Кини Ньурба улууһуттан быстах ыҥырыынан, хантарааҕынан уонна үтүө баҕанан байыаннай эпэрээссийэҕэ кытта сылдьар буойуттарга төрөөбүт дойдуларыттан көмө баар буолан, санаалара бигэтин, кыайыыга эрэллэрэ улаханын диэн бэлиэтиир. Владимир Михайлович саллааттарга уонна кинилэр дьиэ кэргэттэригэр улуустан итинник көмө салҕана турарын, сокуоннарга бу өттүгэр көмөлөөх уларытыылар киллэриллэллэрин, ыччаты дойдуга бэриниилээх буолууга иитэр үлэ күүһүрүөхтээҕин тустарынан кэпсээтэ.
— Быстах ыҥырыынан, хантарааҕынан уонна үтүө баҕанан Ньурба улууһуттан тиийэн байыаннай эпэрээссийэҕэ кытта сылдьар уолаттарбыт төрөөбүт дойдуларыттан көмө, өйөбүл баар буолан, санаалара бөҕөх, кыайыыга-хотууга эрэллэрэ улахан. Буойуттарбыт дьоннорун кытта өрүү алтыһа, билсэ сылдьабын. Байыаннай эпэрээссийэҕэ наадалаах көмө бары хайысхатынан үлэ салҕанан бара турар. Улууска бу бара сылдьыбыт сирдэрбэр дьон-сэргэ өттүттэн көмө суох диэн этии киирбэтэ. Инникитин да буойуттарбытыгар, кинилэр дьиэ кэргэттэригэр көмө, өйөбүл бу курдук баар буола туруоҕа. Биллэн турар, араас боппуруостар бааллар. Олору быһаарыыга улуус баһылыга, улуус мунньаҕа, дьокутааттар, нэһилиэк баһылыктара, дьоммут-сэргэбит бары күүспүтүн түмэн, көмөлөһө сылдьабыт. Бу курдук үлэлээтэхпитинэ, кыаллар боппуруостар.
Өрөспүүбүлүкэ салалтата, Ил Дархана, Ил Түмэнэ, Саха сирин нэһилиэнньэтэ, уопсастыбаннай түмсүүлэрэ бу эпэрээссийэҕэ кыайыыны чугаһатарга сомоҕолоһуулара ситиһиигэ эрэли өссө күүһүртэ. Ил Түмэҥҥэ биһиги, дьокутааттар, саллааттарбыт дьиэ кэргэттэрин социальнай өттүнэн өйөөһүҥҥэ сокуоннарга уларытыылары киллэртээбиппит.
Бары өйдүүбүт, кэлиҥҥи отучча сылга, хомойуох иһин, үүнэр сүһүөх ыччаппытын дойдуга бэриниилээх буолуу тыыныгар иитиигэ итэҕэс-быһаҕас баара бу быстах мобилизация кэмигэр ордук күүскэ көстөн таҕыста. Итиннэ дойду таһымынан сөптөөх быһаарыылар ылыллара эрэйиллэр. Кэлэр көлүөнэни патриотизм тыыныгар, үлэҕэ иитии олох кыра эрдэхтэриттэн саҕалыыр наада. Онон бу өттүгэр улахан хамсааһыны таһаарар бырагыраамалар, сокуоннар ылыллыахтаахтар. Дьүүллэһиилэр, этиилэр бааллар, кэпсэтиилэр тахса тураллар. “О патриотическом воспитании” диэн сокуону Ил Түмэн Госдуумаҕа биир бастакынан киллэрээри бэлэмнээн олоробут. Биһиги барыбыт күүһүн, кыаҕын бииргэ сомоҕолоһуубут түмүгэр дойду иннигэр тирээбит кыһалҕалары хайаан да туоратыахпыт, кыайыахпыт диэн бүк эрэллээхпит.
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…
Ил Дархан Туһаайан этиитигэр эппитинэн, Култуура сылыгар Муусука үрдүкү оскуолата уонна Арктикатааҕы эпос, ускуустуба киинэ…
Аркадий Новиков төрүттээбит “Көөчөөн көрө” мини тыйаатырын салайааччыта, СӨ култууратын үтүөлээх үлэһитэ Анна Охлопкова айар…