Хаартыска: Кириэмил саайтыттан
Владимир Путин Санкт-Петербург куоракка 1811 сылтан 1817 сылга диэри А.С. Пушкин үөрэммит лиссиэй түмэлин экспозициятын көрдө. Былырыын Бэрэсидьиэн үөрэх тэрилтэтин чөлүгэр түһэрэр идиэйэни өйөөбүтэ.
Бэрэсидьиэн Владимир Путин Санкт-Петербург куорат анныгар «Ыраахтааҕы сэлиэнньэтэ» судаарыстыбаннай түмэл-заповедникка сырытта диэн Кириэмил иһитиннэрэр. Судаарыстыба баһылыга бөлүүн, бэс ыйын 6 күнүгэр, улуу бэйиэт уонна суруйааччы Александр Пушкин төрөөбүтэ 225 сылын туолар күнүгэр лиссиэй түмэлигэр сырытта.
«Бэрэсидьиэн А.С. Пушкин мемориальнай түмэл-лиссиэй быыстапкалыыр саалаларын, буфетнай сааланы, остолобуойу, балыыһаны, мастарыскыайы уонна үөрэх кылаастарын көрдө», — диэн Кириэмил пресс-сулууспата суруйар. Ону сэргэ Бэрэсидьиэн Пушкин императордары уонна улуу кинээстэри кытта ыкса сибээстэрин көрдөрөр «Поэт и царь» быыстапканы көрдө. Манна бэйиэт тус маллара, мэтириэттэрэ, архыып докумуоннара, император дьиэ кэргэнин тус маллара көрдөрүүгэ тураллар. Путины түмэл-заповедник дириэктэрэ Ольга Таратынова уонна Александр Пушкин аатынан Бүтүн Арассыыйатааҕы түмэл дириэктэрэ Сергей Некрасов арыаллаатылар.
А.С. Пушкин аатынан түмэл-лиссиэй 1811-1817 сс. Александр Пушкин үөрэммит ыраахтааҕы лиссиэй дьиэтигэр баар.
Санаттахха, дойду Бэрэсидьиэнэ бэс ыйын 5-8 күннэригэр ыытыллар Петербурдааҕы аан дойдутааҕы экэнэмиичэскэй пуорумҥа (ПМЭФ) кыттар.
Бүгүн "Саха сирин амтана" гастрономическай бэстибээл саха аһын ыалдьыттарга билиһиннэрэр "Махтал" эрэстэрээҥҥэ аһылынна. Тэрээһин Марий…
Хоту дойдуттан кэлэр сонуннар биһиэхэ олус күндүлэр. Ыраах Аллайыаха улууһун Бөрөлөөх нэһилиэгин олохтооҕо Надежда Дьяконова…
Суотту агрооскуолата элбэх көлүөнэ үөрэнээччилэрин өбүгэ үйэлээх үгэстэригэр, үлэ сатабылларыгар иитэр-үөрэтэр уопута өрөспүүбүлүкэ тас өттүгэр…
Кэбээйи улууһун уопсастыбаннаһа фронтовик суруйааччы Тимофей Сметанин төрөөбүтэ 105 сылыгар анаан бүгүн өйдөбүнньүк стелатыгар сибэкки…
Бу мин суруйаары олорор ыстатыйам дьоруойа чахчы ыстатыйа аатыгар толору барсар олоҕу олорон аастаҕа. “Биирдэ…
Бүгүҥҥүттэн, сэтинньи 25 күнүттэн, «Арктика» айан суолун 0+000 км – 187+000 км (Бурустаах м. –…