Владимир Путин аан бастаан инаугурацията ыытыллыбыта 25 сыла туолла

2000 сылтан саҕалаан Бэрэсидьиэн инаугурацията Кириэмил улахан дыбарыаһын Андреевскай саалатыгар тэриллэн ыытыллыбыта 25 сыла туолла.

Ыам ыйын 7 күнүгэр 2000 сыллаахха Владимир Путин Арассыыйа норуотун иннигэр бирисээгэни ылынан, аан бастакытын судаарыстыба баһылыгын дуоһунаһыгар киирбитэ. Дойду саҥа Бэрэсидьиэнин бастакы инаугурациятын этиитэ кини сүрүн бириинсиптэрин, сыаннастарын уонна соруктарын көрдөрбүтэ. Бүгүн Владимир Путин Кириэмилгэ 2000 сыллаахха ыам ыйын 7 күнүгэр иһитиннэрбит сүрүн этиилэрин кытта санатабыт:

• — Мин сүҥкэн эппиэтинэһи ылбыппын өйдүүбүн уонна Арассыыйаҕа судаарыстыба баһылыга мэлдьи эппиэтинэстээх киһи буоларын билэбин.
• — Хас биирдиибит араас уопуттаах, көрүүлээх-истиилээх, ол эрээри биһиги түмсүөхтээхпит, элбэҕи оҥоруохтаахпыт.
• — Биһиги тугу да умнуо суохтаахпыт. Арассыыйа историятын, судаарыстыбаны тэрийбит, сүдү, модун судаарыстыба оҥорбут дьоммутун билэр тустаахпыт.
• — Тус дьайыыларбар судаарыстыба интэриэһинэн салайтарыам. Сыыһа-халты баар буолар, ол эрээри аһаҕастык уонна чиэһинэйдик үлэлиэм диэн эрэннэрэбин.
• — Биһиги биир дойдулаахтарбытын, норуоту биһиги биир уопсай кэскилбит туһугар тула түмүөм.