Дойду Бэрэсидьиэнэ Владимир Путин байыаннай дьайыылар кыттыылаахтарын өйүүр эбии миэрэлэр тустарынан дьаһалга илии баттаата диэн «РИА-Сонуннар» ааҕыныстыба иһитиннэрэр.
Москва уобалаһын, Крым уонна Севастополь салалталарыгар анал байыаннай дьайыылар кыттыылаахтарыгар сир учаастактарын босхо биэриини көрөргө сүбэлээтэ, ол туһунан туһааннаах докумуон официальнай интернет-порталга бэчээттэннэ.
Ол эрээри, докумуоҥҥа чопчуланарынан, маннык көмөнү бары буолбакка, байыаннай эпэрээссийэҕэ кыттан хорсун быһыыны көрдөрбүт өҥөтүн иһин судаарыстыбаннай наҕарааданы ылбыт байыаннай сулууспалаах эбэтэр бойобуой дьайыылар бэтэрээннэрэ эрэ буоллахтарына ылыахтарын сөп эбит. Итини таһынан бу социальнай өйөбүл миэрэлэрэ байыаннай дьайыыларга сылдьан эчэйэн эбэтэр ыалдьан өлбүт саллааттар аймахтарыгар эмиэ көрүллүөн сөп диэн этиллибит.
Москва уобалаһын, Крым уонна Севастополь былаастарын салалтатыгар судаарыстыбаннай эбэтэр муниципальнай бас билиигэ баар сир учаастактарын босхо биэрэр туһунан сөптөөх сокуону оҥорон ылыналларыгар сүбэлэммит.
Итинник сөбүлэһиилэри түһэрсиини РФ Бырабыыталыстыбата хааччыйарыгар ыйыллыбыт. Дьаһал ахсынньы 19 күнүттэн 2022 с. күүһүгэр киирбит.
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
"Саҕынньахтаах селедка" салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп…
Ырыаһыт Виталий Очиров хатыыс хабаҕынан туһаныы туһунан видеота социальнай ситимнэринэн тарҕанна.