Владимир Путин Анал этиитин үүнэр сылга оҥоруоҕа

РФ бэрэсидьиэнэ Владимир Путин Федерация Сэбиэтигэр Анал этиитин кэлэр сылга оҥоруоҕа. Бу туһунан кини бэҕэһээ суруналыыстары кытары көрсүһүүтүгэр иһитиннэрдэ.

 Санатан эттэххэ, Владимир Путин Анал этиитин 2001 сылтан оҥорор. Бүтэһигин былырыын муус устарга иһитиннэрбитэ.

— Халандаарынан көрдөххө, Анал этии 2017 сыллаахха эмиэ оҥоһуллубатаҕа. Ол эрээри бэрэсидьиэн Анал этиитэ диэн хайаатар да баар буолуохтаах. Быйыл дойдубутугар сыл устата олус элбэх уларыйыы таҕыста. Күн-түүн аайы балаһыанньа да уларыйа турара. Онон түмүк таһаарарга да, былаанныырга да эрдэ этэ. Уонна, иккис өттүнэн, Анал этиибэр этиллиэхтээх сорох санааларбын бэйэм туһаайыыларбар иһитиннэрэн турабын. Онон итини барытын Анал этиигэ киллэрэн хатылыыр, мин санаабар, табыгаһа суох. Сыл саҥата барытын ырытан көрөн баран, бу диэн хаһан буоларын эппэппин эрээри, кэлэр сылга хайаатар да иһитиннэриэҕим, — диэн этэр Владимир Владимирович.