видеоттан скрин
Бүгүн, олунньу 23 күнүгэр, Кириэмилгэ Аҕа дойдуну көмүскээччи күнүгэр Арассыыйа Бэрэсидьиэнэ Владимир Путин Андрей Григорьевка — «Тутаҕа» Арассыыйа Дьоруойа «Кыһыл көмүс сулуһун» үрдүк наҕарааданы туттарда. Бу туһунан Айсен Николаев ТГ-ханаалыгар эҕэрдэлээтэ.
«Аҕа дойдуну көмүскээччи күнүгэр Андрей Григорьевка Российскай Федерация Дьоруойун «Кыһыл көмүс сулуһа» туттарылынна. Бу наҕараада кини эр санаатын, тулуурун, героизмын билиниитэ буолар. Кини хаан тохтуулаах хорсун быһыыта дьиҥнээх патриотизм бэлиэтинэн буолла. Тута наҕараадаҕа туһугар буолбакка, табаарыстарын, эйэлээх олох иһин киирсибитэ. Билигин кини түөһүгэр «Кыһыл көмүс сулус» бэлиэ сыдьаайар, оттон кини аата Арассыыйа устуоруйатыгар суруллар», – диэн Айсен Николаев суруйда.
Арассыыйа Дьоруойа Андрей Григорьев- байыаннай дьайыы кэмигэр дойду үрдүкү наҕараадатыгар тиксибит Саха сириттэн онус дьоруой.
Андрей Григорьев ДНӨ 2024 сыл күһүнүгэр илиинэн киирсиигэ кыайылаах тахсыбыта. Кэлин видеоҕа устуута аан дойду социальнай ситимнэригэр уонна маассабай информация сириэстибэлэринэн улахан резонанс ылбыта. Андрей Григорьев кыргыһыы кэнниттэн салгыы байыаннай сорудахтары толорууну салҕаабыта.
Санатан эттэххэ, РФ Дьоруойа аатын Родимир Максимов, Игорь Юргин, Николай Соболев, Александр Колесов, Филипп Евсеев, Алексей Неустроев, Дмитрий Егоров, Дмитрий Куценко уонна Николай Евдокимов сүгэллэр.
Бу күннэргэ өрөспүүбүлүкэ үрдүнэн ситэриилээх былаас ааспыт сыллааҕы үлэтин отчуота буола турар. Ол чэрчитинэн олунньу…
“Манчаары оонньуулара” успуорт национальнай көрүҥнэригэр XXII Спартакиада Таатта улууһун Ытык Күөл сэлиэнньэтигэр ыытыллара былааннанар буолан,…
Урукку сылларга холоотоххо, быйыл халлааммыт арыый сылаас. Саҥа дьыл бырааһынньыктарыгар түспүт тоһуттар тымныыны аахсыбатахха, сааскы…
Дьокуускайга Аҕа дойду Улуу сэриитин сылларыгар буолбут Ильмень Күөл кыргыһыытын 82 сылыгар аналлаах миитин буолла.…
Куруук истириэстиир, сыыһа аһыыр уонна элбэхтик хамсаммат буоллахха, сыстыгана суох дьарҕа (хроническай) ыарыылар элбииллэр. Сыстыгана…
Норуоттар икки ардыларынааҕы «Быть здоровым — это модно!» спортивнай-патриотическай аахсыйа Дьокуускайга аан бастакытын «Северное сияние»…