РФ бэрэсидьиэнин пресс-сулууспата
РФ бэрэсидьиэнэ Владимир Путин Арассыыйа уонна Казахстан бииргэ үлэлэһиилэрин ХIX форумугар Арассыыйа 76 эрэгийиэнэ Казахстаны кытары үлэлэһэ олорорун бэлиэтээн эттэ. Ол иһигэр Саха сирин салалтата ыытар үлэтин аҕынна.
Санатан эттэххэ, бу форум уон тохсус төгүлүн ыытыллар. Быйылгы форумҥа икки дойдуттан отуттан тахса эрэгийиэннэр бэрэстэбиитэллэрэ кытыннылар. Владимир Путин бэлиэтииринэн, Арассыыйа уонна Казахстан эрэгийиэннэрэ бииргэ үлэлэһиилэрэ дойдулар доҕордоһууларыгар ураты суолталаах.
— Күн бүгүн Арассыыйа 76 эрэгийиэнэ Казахстан уобаластарын кытары тэҥҥэ үлэлиир. Быйыл Саха Өрөспүүбүлүкэтин, Астрахань, Челябинскай уобаластар салайааччылара Казахстаҥҥа оробуочай сырыыларынан кэлэн барбыттара. Казахстан дэлэгээссийэтэ быйыл биһиэхэ Красноярскайдааҕы экэниэмикэ форумугар, Бурятия Өрөспүүбүлүкэтэ төрүттэммитэ 100 сылыгар сылдьыбыттара, — диэн бэлиэтиир кини.
Бэрэсидьиэн эрэгийиэннэр ыытар үлэлэрэ көдьүүстээҕин уонна улахан суолталааҕын бэлиэтээн туран, салгыы да бу үлэни өйүөҕүн эттэ.
— Эрэгийиэннэр бэйэ-бэйэлэрин кытары үлэлэһиилэрин салгыы да өйүөхпүт уонна саҥа саҕахтары арыйыыларыгар күүс-көмө буолуохпут, — диэн иһитиннэрдэ Владимир Владимирович.
Манна даҕатан эттэххэ, дойдулар бииргэ үлэлэһиилэригэр быйыл икки дойдуларга хардарыта эбии консульстволар аһылыннылар. Билигин Арассыыйаҕа Казахстан консульствота Санкт-Петербург, Казань, Астрахань, Омскай куораттарга үлэлии турар буоллахтарына, быйыл өссө Екатеринбурга эбилиннэ. Оттон Арассыыйа консульствота Казахстаҥҥа Астананы, Алма-Атаны, Уральскайы, Уус-Каменогорскайы таһынан быйыл Актау куоракка аһыллыахтаах.
Култуура, үөрэх эйгэтигэр эрэгийиэннэр эмиэ быһаччы үлэлэһэ олороллор. Холобур, билигин Москватааҕы үрдүк үөрэх кыһаларын таһынан Арассыыйа атын куораттарыгар Казахстантан 61 тыһыынчаттан тахса устудьуон кэлэн үөрэнэ сылдьар.
Судаарыстыбаннай Дуума дьокутаата Игорь Антропенко оскуолаларынан оҕолорго Сэбиэскэй кэминээҕи Саҥа дьыллааҕы остуоруйалары көрдөрөр туһунан этии…
Ас-үөл хаачыстыбатыгар уонна куттала суох буолуутугар Ил Дархан иһинэн координационнай сэбиэт мунньаҕар оскуолалары, уһуйааннары, социальнай…
Саха сиригэр дойду биир саамай бөдөҥ уонна технологическай өттүнэн уустук инфраструктурнай бырайыага – Өлүөнэ күргэтин…
Өрөспүүбүлүкэ борокуруора Сергей Дябкин сорудаҕынан, Ленскэй улууһун борокуратуурата Ленскэй куорат «Севернай» түөлбэҕэ хас да элбэх…
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…