Хаартыска СӨ Баһылыгын уонна Бырабыыталыстыбатын пресс-сулууспатыттан
Арассыыйа Бэрэсидьиэнэ Владимир Путин «Арассыыйа» норуоттар икки ардыларынааҕы быыстапка-пуорум үлэһиттэрин кытары көрсүһүүтүн түмүгүнэн «Арассыыйа» национальнай киин үлэтин саҕалыыр бэрээдэгин уонна болдьоҕун туһунан сорудахтар испииһэктэрин бигэргэттэ.
Туһааннаах докумуон Кириэмил официальнай саайтыгар таҕыста диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
Бэрэсидьиэн сорудаҕын испииһэгэр сөп түбэһиннэрэн, «Арассыыйа» национальнай киинин быыстапкалыыр комплексын тутуутун былаана алтынньы 1 күнүгэр диэри оҥоһуллуохтаах. Бу иннинэ Владимир Путин Быыстапка нэһилиэстибэтин харайарга уонна Арассыыйа ситиһиилэрин көрдөрөргө Национальнай Киини Москва Краснопресненскай кытылыгар туруорарга дьаһал биэрбитэ. Национальнай киин бастакы тэрээһининэн “Кэлэр кэми оҥоруу” диэн аан дойдутааҕы научнай-фантастическай симпозиум буолуоҕа. Симпозиум кыттыылаахтара дойду инникитин хайдах буолуоҕун көрдөрүөхтэрэ.
«Арассыыйа» Национальнай киин норуоттар икки ардыларынааҕы сүрүн тэрээһиннэргэ судаарыстыба экэниэмикэ уонна култуура араас салаатыгар ситиһиилэрин билиһиннэриэҕэ, оттон быыстапканы ыытыы уопута үөрэхтээһиҥҥэ туһаныллыаҕа. Манан сибээстээн, РФ Бырабыыталыстыбатыгар уонна «Арассыыйа» ситиһиилэрин быыстапкатын дириэксийэтигэр» норуоттар икки ардыларынааҕы тэрээһиннэргэ үлэлиир стратегияны оҥорон үөрэтэр матырыйааллары бэлэмнииргэ сорудахтаатылар.
Маны таһынан, эрэгийиэннэр салайааччыларыгар, “Арассыыйа” Национальнай киин филиалларын тэрийэргэ, ону тэҥэ федеральнай былаас уорганнарын уонна корпорациялары кытта киин тэрээһинин үлэтигэр кытталларыгар этилиннэ.
«Биһиэхэ киэн туттарбыт уонна көрдөрөрбүт баар. Ол эрээри, ону кэрэтик, айымньылаахтык көрдөрөр улахан суолталаах. Экспо былаһааккатыгар Национальнай киини оҥоруохпут диэн дуогабардастыбыт, ол быһаарылынна. Ону тэҥэ дойду эрэгийиэннэригэр эмиэ оҥоруохпут», — диэтэ дойду Бэрэсидьиэнэ.
«Арассыыйа» быыстапкатыгар-пуорумҥа Саха сирин истиэндэтигэр 2,2 мөлүйүөнтэн тахса киһи сылдьыбыта. 2023 с. ахсынньы 4 күнүгэр «Арассыыйа» норуоттар икки ардыларынааҕы быыстапка-пуорум аһыллыытыгар, ону тэҥэ кулун тутар 12 күнүгэр Саха сирин күнүгэр өрөспүүбүлүкэ киэҥ дьыалабыай, култуурунай уонна спортивнай бырагырааманы тэрийбитэ.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…