Үгүс дьон РФ Бэрэсидьиэнэ Владимир Путин инаугурациятын кэмигэр дойдутунан киэн туттуута, инникигэ эрэлэ күүһүрбүтүн бэлиэтиир.
Өймөкөөн улууһун дьаһалтатын култуураҕа управлениетын салайааччыта, Өймөкөөн улууһугар быыбар саҕана Владимир Путины өйүүр ыстаап салайааччыта Аксинья Сивцева суолталаах тэрээһин туһунан санаатын үллэһиннэ:
— РФ Бэрэсидьиэнэ Владимир Путин дуоһунаһыгар киирэр кэмигэр дириҥ ис хоһоонноох этиини оҥордо. Мин дойду Аҕа баһылыга Арассыыйа норуоттара биир сомоҕо буолалларыгар ыҥырыытын биһирии ылынным. “Төрөөбүт дойдубут дьылҕатын бэйэбит быһаарар кыахтаахпыт. Сомоҕолоһуу — сүдү күүс, онон Арассыыйа инники дьылҕатын бэйэбит эрэ быһаарар кыахтаахпыт», — диэн Владимир Владимирович бэлиэтээбитэ миигин ордук долгутта. Өймөкөөн улууһа – элбэх араас омук дьоно биир дьиэ кэргэн курдук сомоҕолоһон олорор оройуонунан буолар. Ол да иһин биһиги, Тымныы полюһун олохтоохторо, быйыл кулун тутар ыйга Российскай Федерация Бэрэсидьиэнин быыбарыгар бэлэмнэнии саҕана анаан бииргэ түмсэн үлэлээбиппит. Улууспутугар бырамыысыланнас, тыа хаһаайыстыбатын уонна туризм салаалара биир тэҥник кэскиллээхтик сайдаллар. Норуот хаһаайыстыбатын бары эйгэтиттэн, улууспут хас биирдии нэһилиэктэриттэн Владимир Путин кандидатуратын өйүүр араас видеоматырыйааллар оҥоһуллан тарҕатыллыбыттара да, улууска олорор араас омук дьоно сомоҕолоһуубут күүстээҕин туоһулуур. Биһиги көхтөөх дьоммут – Уус-Ньара кыахтаах урбаанньыта Владимир Горон, Өймөкөөн нэһилиэгиттэн аан дойду туристарын кытта үлэлэһэр Тамара Васильева, Төрүт нэһилиэгиттэн суруйааччы Афанасий Гермогенов, Пантелеймон Тулааһынап аатынан Култуура дьиэтин дириэктэрэ Надежда Босикова ситиһиилээх үлэлэрин иһин Ил Дархан Айсен Николаевтан Махтал суруктары туппуттара.
Арассыыйа дьоно көхтөөхтүк быыбарга кыттан, Владимир Путин дойду кыахтаах Аҕа баһылыга буоларын бигэргэппиттэрэ. Ханнык баҕарар уустук соруктары биһиги бэрэсидьиэммит сөптөөхтүк быһаарарыгар эрэллээхпит.
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…