РФ бэрэсидьиэнин пресс-сулууспата
Дойдубут аҕа баһылыга Владимир Путин тохсунньу 28 күнүгэр Самара уобалаһыгар Тольятти куоракка “АвтоВаЗ” собуотугар сырытта. Собуот үлэһиттэрин кытары көрсүһүүтүгэр Арассыыйа салайааччылара дойду иһигэр оҥоһуллубут массыыналарга көһөллөрө сөбүн эттэ.
— Салайааччылар бары Арассыыйа массыыналарыгар көһөллөрө сөп. Бу туһунан биһиги эрдэ кэпсэтэн турабыт. Ол эрээри билиҥҥитэ олоххо толору киирэ илик, — диэн этэр Владимир Владимирович.
Бэрэсидьиэн бэлиэтииринэн, бу боппуруос олоххо киирэрин, биир өттүнэн, манна туһааннаах ирдэбил суоҕа атахтыыр. Ону сэргэ судаарыстыбаннай улахан корпорацияларга Арассыыйа массыыналарын атыылаһыыга саҥа ирдэбил быйылгыттан киирэрэ буолар.
— Судаарыстыбаннай хампаанньалар тустарынан эттэххэ, Арассыыйа массыыналарыгар көһүүнү тиһэҕэр диэри ыытыахпыт. Бу, бииринэн, дойдуга оҥоһуллубут массыыналарга көмө буолар, иккиһинэн, судаарыстыба бэйэтэ оҥорон таһаарбытын атыылаһара ырыынак үйэтигэр сөптөөх, — диэн иһитиннэрэр бэрэсидьиэн.
Санатан эттэххэ, 2023 сыллаахха Владимир Путин судаарыстыбаннай сулууспалаахтар бастакы уочарат Арассыыйаҕа оҥоһуллубут массыыналарынан туһаналларыгар сүбэлээн турар. Ити сыл РФ бырамыысыланнаһын, атыытын-тутуутун министиэристибэтэ судаарыстыба суотугар атыылаһыллар массыыналар испииһэктэрин таһаарбыта.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…