Хаартыска: РИА саайтан.
РФ бэрэсидьиэнэ Владимир Путин бэҕэһээ, ыам ыйын 25 күнүгэр, Москваҕа Экэниэмикэ Евразиятааҕы үрдүкү сэбиэтин мунньаҕын чэрчитинэн Армения уонна Азербайджан лиидэрдэрин кытары көрүстэ. Армения уонна Азербайджан биир уопсай тылы буллулар.
Владимир Путин мунньахха Армения уонна Азербайджан сирдэрин-уоттарын быһаарсыыга биир уопсай тылы булбуттара улахан суолталааҕын бэлиэтээн эттэ.
— Бу, бастатан туран, икки дойдулар эйэ дуогабарын баттаһыыларыгар, салгыы үгүс боппуруоһу быһаарыыларыгар сүрүн төрүөт буолар. Ону таһынан бу кинилэргэ эрэ буолбакка, бүтүн эрэгийиэҥҥэ улахан суолталаах боппуруос буолар. Бэлиитикэ да, экэниэмикэ да өттүгэр барытыгар, — диэн бэлиэтиир Владимир Владимирович.
Ыспыраапка быһыытынан эттэххэ, Арассыыйа 2020 сыллаахха Армения уонна Азербайджан икки ардыгар тахсыбыт атааннаһыыны тохтоторго сүрүн кэпсэтээччи дойду быһыытынан сылдьыбыта. Икки өттүттэн ытыалаһыыны тохтотууга сабыдыаллаан, Арассыыйа, Армения уонна Азербайджан дуогабар түһэрсэллэрин ситиспитэ. Ити сыл Карабахтааҕы сэриигэ икки өттүттэн уонунан тыһыынча киһи өлбүтэ. Төһө да сэрии түмүктэммитэ үс сыл аастар, билигин да эйэ дуогабара баттанылла илик. Евразиятааҕы экэниэмикэ сойууһун былаһаакката бу икки дойдулар биир остуол тула олорон кэпсэтэллэригэр төһүү буолла.
Саха сиригэр 9514 оҕо төрөөтө. Саха Өрөспүүбүлүкэтэ 2014 сылтан нэһилиэнньэ ахсаана үрдүү турар Уһук Илин…
Саха сирэ хорсун-хоодуот дьонунан аатырар. Саха сирэ бэйэтин устуоруйатыгар элбэх дьоруойу бэлэхтээбитэ, олор истэригэр Аҕа…
Хата бу бэрт этии буолбут. Билигин киһиэхэ ханнык битэмиин тиийбэтин бэрэбиэркэлэтээри дьон хастыы да тыһыынчаны…
Мииринэй оройуонун суута Ленскэй оройуонун 39 саастаах олохтооҕун улахан уорууга буруйдаата. Буруйдаах киһи тралга суоппардаабыт…
Мэҥэ Хаҥалас улууһун Төҥүлү нэһилиэгин урбаанньыта Иван Иванович Борисов туһунан “Саха сирэ” хаһыат саайтын нөҥүө…
Аҕыс уон сыл анараа өттүгэр, аан дойдуну аймаабыт, харах уута тохтуулаах Аҕа дойду Улуу сэриитэ…