РФ бэрэсидьиэнин пресс-сулууспата
Арассыыйа бэрэсидьиэнин пресс-сулууспата иһитиннэрбитинэн, дойдубут аҕа баһылыга Владимир Путин атырдьах ыйын 18-19 күннэригэр Баку куоракка үлэлиэҕэ.
Владимир Путин Азербайджан бэрэсидьиэнин Ильхам Алиевы кытары көрсүөҕэ. Москваҕа Азербайджан посола Полад Бюльбюль иһитиннэрбитинэн, билигин Арассыыйа уонна Азербайджан сыһыаннара хаһааҥҥытааҕар да тупсан турар.
— Атырдьах ыйын 18-19 күннэригэр Арассыыйа бэрэсидьиэнэ Владимир Путин Баку куоракка үлэлиир. Мин билэрбинэн, дойду салайааччыларын икки күннээх бырагыраамалара олус киэҥ. Билигин Арассыыйа уонна Азербайджан сыһыаннара хаһааҥҥытааҕар да тупсан турар, — диэн бэлиэтиир кини.
Санатан эттэххэ, бу саас муус устарга Азербайджан бэрэсидьиэнэ Москваҕа командировкаҕа кэлэ сылдьыбыта. Ильхам Алиев ол сырыытыгар БАМ тэриллибит 50 сыллаах үбүлүөйдээх дьаһалыгар кыттыыны ылбыта.
Владимир Путин бэрэсидьиэн буолуоҕуттан 2001 сылтан Азербайджаҥҥа сэттэ төгүл сылдьыбыт. 2001 сыллаахха Азербайджан бэрэсидьиэнинэн Гейдар Алиев олорбута. Кинилиин Каспийскай муораҕа, Кавказ эрэгийиэннэригэр куттал суох буолуутун хааччыйыыга докумуоннары баттаспыттара. 2003 сылтан бэрэсидьиэнинэн Ильхам Алиев олорор. Кини быйыл бэһис төгүлүн Азербайджан салайааччытынан талылынна. 2006 сыллаахха Бакуга Арассыыйа сыла ыытыллыбыта.
Ил Дархан Айсен Николаев кэргэнинээн Олоҥхо Ыһыаҕа ыытыллар сиригэр видео-ролик уһуллулар. Бүгүн киэҥ далааһыннаах бырааһынньык…
Госдуумаҕа эрэгийиэн салайааччылара анал байыаннай дьайыы кыттыылаахтарын дьиэ кэргэттэригэр оруна суох бэлэхтэри түҥэтиилэрин бюрократия, болҕомтото…
Нерюнгри куоракка Олоҥхо Ыһыаҕар саха аһын флагмана, «Тыгын Дархан» эрэстэрээн өрөспүүбүлүкэ соҕуруу куоратыгар Саха сирин…
Бэс ыйыгар өрөспүүбүлүкэ үрдүнэн уонна Ростов-на-Дону куоракка госпиталь хайысхатынан 1850 байыаннай дьайыы кыттыылааҕа уонна кинилэр…
Итэҕэйиҥ, итэҕэйимэҥ, ол эрээри Дьокуускай таһыгар хара гриф уйаламмыт диэн олохтоохтор социальнай ситимнэринэн суруйан, видеоҕа…
Дойду Бырабыыталыстыбатыгар «Дьоруой Ийэлэр» өҥөлөрүн билинэргэ туһуламмыт хас да сокуон барылын дьүүллэстилэр. Бу туһунан бырабыыталыстыба…